مەرەكە قارساڭىندا قازاقستاندا تۇراتىن ۇوس ارداگەرلەرىنىڭ ارقايسىنا 5 ملن تەڭگەدەن تولەندى, دەپ حابارلايدى Egemen.kz.
ارداگەرلەرگە قامقورلىق جاساۋ – قازاقستانداعى مەملەكەتتىك ساياساتتىڭ نەگىزگى باسىم باعىتتارىنىڭ ءبىرى. بۇل جۇمىس ورتالىق جانە جەرگىلىكتى دەڭگەيدە كەشەندى تۇردە جۇزەگە اسىرىلىپ كەلەدى. ۇلى وتان سوعىسىنداعى جەڭىستىڭ 81 جىلدىعى قارساڭىندا جەرگىلىكتى اتقارۋشى ورگاندار (اكىمدىكتەر) جەرگىلىكتى بيۋدجەتتەر ەسەبىنەن ۇوس ارداگەرلەرى مەن تىل ەڭبەككەرلەرىنە بىرجولعى ماتەريالدىق كومەك كورسەتتى.
مەرەكە اياسىندا قازاقستاندا تۇراتىن ۇوس ارداگەرلەرىنىڭ ارقايسىسىنا 5 ملن تەڭگەدەن (10 مىڭ دوللاردان استام) تولەندى.
جالپى العاندا, اكىمدىكتەر تاراپىنان بەرىلگەن مەرەكەلىك تولەمدەر 32,9 مىڭ ادامدى قامتىدى. ولاردىڭ قاتارىندا ۇوس ارداگەرلەرى, سونداي-اق جەڭىسكە ۇلەس قوسقان وزگە دە ازاماتتار بار (تىل ەڭبەككەرلەرى, قازا تاپقان جاۋىنگەرلەردىڭ جەسىرلەرى, جاراقات, كونتۋزيا نەمەسە مەرتىگۋ سالدارىنان قايتىس بولعان مۇگەدەكتىگى بار ادامداردىڭ جۇبايلارى جانە ت.ب.).
ۇلى وتان سوعىسىنىڭ ارداگەرى كەنجەباي مادەنوۆكە «حالىق قاھارمانى» اتاعى بەرىلدى
سونىمەن قاتار رەسپۋبليكالىق بيۋدجەت ەسەبىنەن زەينەتاقى جانە وزگە دە الەۋمەتتىك تولەمدەر كولەمى جىل سايىن ارتىپ كەلەدى. 2026 جىلعى 1 مامىرداعى جاعداي بويىنشا ۇوس قاتىسۋشىلارىنىڭ اي سايىنعى جيىنتىق تولەمى (زەينەتاقىنى ەسكەرگەندە) ورتا ەسەپپەن شامامەن 290 مىڭ تەڭگەنى قۇرايدى. ال ۇوس كەزەڭىندە مۇگەدەكتىك العان ازاماتتار ءۇشىن بۇل كورسەتكىش 300 مىڭ تەڭگەدەن استام سومانى قۇرايدى.
قارجىلاي كومەكتەن بولەك, ارداگەرلەردى قولداۋدىڭ بىرىڭعاي جۇيەسى قالىپتاسقان. اتاپ ايتقاندا, ولارعا تەگىن شيپاجايلىق-كۋرورتتىق ەمدەۋ, مامانداندىرىلعان گوسپيتالداردا بىلىكتى مەديتسينالىق كومەك, تۇرعىن ۇيمەن قامتاماسىز ەتۋ جانە وزگە دە قولداۋ شارالارى ۇسىنىلادى.
قاراعاندى وبلىسىندا سوعىس ارداگەرلەرىنە 5 ملن تەڭگەدەن تولەندى
سونىمەن قاتار جەرگىلىكتى دەڭگەيدە اكىمدىكتەر تاراپىنان قوسىمشا كومەك كورسەتىلەدى: تۇرعىن ۇيلەردى جوندەۋ, ءدارى-دارمەكپەن, وتىنمەن, ازىق-ت ۇلىك جيىنتىقتارىمەن قامتاماسىز ەتۋ جانە باسقا دا قولداۋ تۇرلەرى قاراستىرىلعان.