ءماجىلىس «توپىراقتى قورعاۋ تۋرالى» زاڭ جوباسىن ءبىرىنشى وقىلىمدا ماقۇلداپ, جەر پايدالانۋشىلارعا توپىراقتى ساقتاۋعا باعىتتالعان جاڭا تالاپتار ەنگىزۋدى ۇسىندى. تالاپتاردى ورىنداماعان فەرمەرلەر مەملەكەتتىك قولداۋدان ايىرىلۋى مۇمكىن, دەپ حابارلايدى Egemen.kz.
جاڭا تالاپتارعا سايكەس, جەر پايدالانۋشىلار سۋ, تۇز, قورەكتىك جانە جىلۋ رەجيمدەرىن رەتتەۋ, ارتىق سۋدى بۇرۋ, ىلعال دەڭگەيىن ساقتاۋ شارالارىن جۇرگىزۋگە مىندەتتەلەدى. سونىمەن قاتار, قار توقتاتۋ, توپىراقتى وڭدەۋ ادىستەرىن قولدانۋ جانە توپىراققا زيانى از تەحنيكانى پايدالانۋ تالاپ ەتىلەدى.
«توپىراق ساپاسىنىڭ تومەندەۋى جەر پايدالانۋشىلار ءۇشىن جاۋاپكەرشىلىك شارالارىنا اكەلەدى. قازىر كەيبىر جاعدايلاردى قوسپاعاندا, فەرمەرلەر توپىراق قۇنارلىلىعىنىڭ ناشارلاعانى ءۇشىن جاۋاپ بەرمەيدى», دەدى دەپۋتات نۇرجان اشىمبەتوۆ.
كوكتەمگى ەگىس ناۋقانى: بيىل قانشا فەرمەر جەڭىلدەتىلگەن نەسيە الدى؟
دەپۋتاتتىڭ ايتۋىنشا, قازاقستان اۋماعىنىڭ 75 پايىزدان استامى ءارتۇرلى دەڭگەيدەگى دەگراداتسياعا ۇشىراعان. بۇل ماسەلە تەك ەكولوگيالىق ەمەس, ەلدىڭ ەكونوميكالىق دامۋى مەن ۇلتتىق قاۋىپسىزدىگىنە دە قاۋىپ توندىرەدى.
ەندى فەرمەرلەر توپىراق جاعدايىنا تۇراقتى تۇردە اگروحيميالىق تالداۋ جۇرگىزىپ, ونىڭ ناتيجەلەرىن بىرىڭعاي دەرەكتەر بازاسىنا ەنگىزۋى ءتيىس.
ماڭعىستاۋدا جاپپاي مال قىرىلىپ جاتىر: فەرمەرلەر وتەماقى تالاپ ەتتى
زاڭ جوباسىندا جەر ۋچاسكەلەرىنە تسيفرلىق پاسپورت ەنگىزۋ دە قاراستىرىلعان. وندا جەردىڭ شەكاراسى مەن كولەمىنەن بولەك, توپىراق ساپاسى تۋرالى مالىمەتتەر – بونيتەت بالى, گۋمۋس مولشەرى, ازوت, فوسفور, كالي دەڭگەيى, تۇزدانۋ دارەجەسى, قىشقىلدىعى جانە مەحانيكالىق قۇرامى كورسەتىلەدى.
نۇربولات امانبەك