ۇلىبريتانيانىڭ استاناسى – لوندوندا ۇستەل تەننيسىنەن كوماندالىق الەم چەمپيوناتى ءوتىپ جاتىر. وعان جەر جاھاننىڭ ءار قيىرىنان جينالعان 128 كوماندا (64 ەرلەر+64 ايەلدەر) قاتىسۋدا, دەپ حابارلايدى Egemen.kz.
قازاقستاننىڭ ەرلەر قۇراماسى (الەمدىك رەيتينگتە 25-ورىندى يەلەنىپ وتىر) لوندونداعى كوماندالىق الەم چەمپيوناتىن ءساتتى باستادى. تۇساۋكەسەر كەزدەسۋدە ءبىزدىڭ جىگىتتەر تۇركيانى (№58) تىزە بۇكتىردى – 3:1. جەرلەستەرىمىزدىڭ اراسىنان الان قۇرمانعاليەۆ قانا ۇتىلدى. كيريلل گەراسيمەنكو ەكى باسەكەدە باسىمدىق تانىتسا, ايدوس كەنجىعۇلوۆتىڭ ءبىر مارتە مەرەيى ۇستەم بولدى.
كەلەسى ويىندا مىسىردىڭ (№16) جىگىتتەرىن جولدان ىعىستىردىق – 3:2. بۇل جولى دا گەراسيمەنكو ەرلەدى. ول ومار اسسار مەن مۇحاممەد ءال-بەياليدى تىزە بۇكتىردى. قۇرمانعاليەۆ بىردە جەڭىپ, بىردە جەڭىلدى. ەسكەندىر حاركيدىڭ يۋسۋف ابدەلازيزگە ءالى جەتپەدى. كوپ كەشىكپەي تايلاندتى (№46) قاپى قالدىردىق – 3:1.
ۇستەل تەننيسى: كيريلل گەراسيمەنكو ەل چەمپيوناتىندا ءۇش التىن ەنشىلەدى
قىزدارىمىز (№37) برازيلياعا (№10) ەسە جىبەردى – 1:3. زاۋرەش اقاشەۆا ءبىر ويىندا جەڭىسكە جەتىپ, ەكىنشىسىندە جەڭىلدى. سارۆينوز مىرقادىروۆا مەن جانەركە كوشكىمباەۆا قارسىلاستارىنا ەسە جىبەردى. ەكىنشى كەزدەسۋدە موڭعوليانى (№73) ەركىن ەڭسەردىك – 3:0. بۇل باسەكەدە زاۋرەش اقاشەۆا, سارۆينوز مىرقادىروۆا جانە ءانال باقىت قارسىلاستارىنا باس كوتەرتكەن جوق. ءۇشىنشى باسەكەدە چەحياعا (№42) شاڭ قاپتىردىق.