باس پروكۋراتۋرا بىرنەشە مارتە الاياقتىق جاساعان ەل ازاماتىن قىلمىستىق جاۋاپكەرشىلىككە تارتۋ ماقساتىندا رەسەي فەدەراتسياسى اۋماعىنان ەكستراديتسيالادى, دەپ حابارلايدى Egemen.kz.
تەرگەۋ مالىمەتىنە سايكەس, كۇدىكتى 2023 جىلى ينتەرنەت پلاتفورمالاردا شەتەلدىك اۆتوكولىكتەردى ساتۋ تۋرالى ادەيى جالعان حابارلاندىرۋلار جاريالاپ, جەتى ازاماتتى الداپ, ولاردىڭ قاراجاتىن يەمدەنگەن.
قىلمىستان كەيىن ول بوي تاسالاپ, حالىقارالىق ىزدەۋگە جاريالانعان. 2025 جىلدىڭ شىلدە ايىندا كۇدىكتى بەلگورود وبلىسى اۋماعىندا قولعا ءتۇسىپ, قازاقستاننىڭ سۇراۋى بويىنشا ەلگە قايتارىلدى.
230 مىڭ دوللار جىمقىرعان بۋحگالتەر گرەكيادان ەكستراديتسيالاندى
قازىرگى تاڭدا ول تەرگەۋ يزولياتورىنا قامالدى. كۇدىكتىگە تاعىلعان ايىپتار دالەلدەنسە, ونىڭ مۇلكى تاركىلەنىپ, 7 جىلعا دەيىن باس بوستاندىعىنان ايىرۋ جازاسى تاعايىندالۋى مۇمكىن.