استانادا وتكەن حالىقارالىق ەكولوگيالىق فورۋم اياسىنداعى پانەلدىك سەسسيادا كاسپي تەڭىزىنە قاتىستى الاڭداتارلىق بولجامدار ايتىلدى, دەپ حابارلايدى Egemen.kz.
تەگەران كونۆەنتسياسىنىڭ ۋاقىتشا حاتشىلىعىنىڭ ۇيلەستىرۋشىسى ماحير اليەۆتىڭ ايتۋىنشا, كاسپي تەڭىزىنىڭ دەڭگەيى قارقىندى تۇردە تومەندەپ بارادى. كەيبىر عىلىمي بولجامدار بويىنشا, عاسىر سوڭىنا قاراي تەڭىز دەڭگەيى 8-21 مەترگە دەيىن ءتۇسۋى مۇمكىن.
«تەڭىز دەڭگەيىنىڭ كاتاستروفالىق تومەندەۋى بايقالىپ وتىر. بۇل – نازار اۋدارۋدى قاجەت ەتەتىن وتە الاڭداتارلىق ماسەلە», دەدى ول.
تەگەران كونۆەنتسياسى – كاسپي ماڭى مەملەكەتتەرى (ازەربايجان, يران, قازاقستان, رەسەي جانە تۇرىكمەنستان) اراسىنداعى ەكولوگيالىق ىنتىماقتاستىقتى رەتتەيتىن كوپجاقتى كەلىسىم. قۇجاتقا 2003 جىلى 4 قاراشادا تەگەراندا قول قويىلعان.
كاسپي جاعالاۋىنان 100-گە جۋىق يتبالىقتىڭ ولەكسەسى تابىلدى
مامانداردىڭ ايتۋىنشا, كاسپي تەڭىزى دەڭگەيىنىڭ تومەندەۋى تەك ەكوجۇيەگە عانا ەمەس, بالىق شارۋاشىلىعى, كولىك لوگيستيكاسى جانە جاعالاۋ ينفراقۇرىلىمىنا دا ەلەۋلى قاۋىپ ءتوندىرۋى مۇمكىن.
مەملەكەت باسشىسى: كاسپي ماڭىندا قارۋلى كۇشتەردىڭ قولدانىلۋىنا جول بەرۋگە بولمايدى