پاۆلودار قالاسىندا ەرتىس وزەنى ارقىلى سالىنىپ جاتقان ەرەكشە كوپىردە تاعى دا ءورت شىقتى. بۇل – جىل باسىنان بەرى وسى نىساندا تىركەلگەن ەكىنشى ءورت جاعدايى, دەپ حابارلايدى Egemen.kz.
وقيعا 21 ءساۋىر كۇنى كەشكە بولعان. قۇتقارۋ قىزمەتىنە تۇسكەن حابارلاما بويىنشا, كوپىردىڭ 4-ىرگەتاسىندا وقشاۋلاعىش ماتەريالدار مەن اعاش قالىپ ەلەمەنتتەرى تۇتانىپ كەتكەن. ءورت شامامەن 30 مەتر بيىكتىكتە باستالعان.
توتەنشە جاعدايلار قىزمەتىنىڭ مالىمەتىنشە, ءورت سوندىرۋشىلەر قيىن جاعدايعا قاراماستان, جالىندى جەدەل تۇردە باقىلاۋعا الىپ, 160 شارشى مەتر اۋماقتاعى ءورتتى تولىق سوندىرگەن. ەڭ باستىسى – جالىننىڭ كوپىردىڭ نەگىزگى قۇرىلىمىنا تارالۋىنا جول بەرىلمەگەن.
جەتىسۋدا پوليتسەيلەر كولىك ءورتىن ءسوندىرىپ, ادامداردى قۇتقاردى
ايتا كەتەيىك, بۇل نىسان بيىل 31 قاڭتاردا دا ورتەنگەن بولاتىن. سول كەزدە دە ءورت ءدال سول 4-ىرگەتاس بولىگىندە تىركەلگەن.
قازىرگى ۋاقىتتا ءورتتىڭ شىعۋ سەبەپتەرى انىقتالۋدا.
اۆتوكولىك كوپىرىنىڭ قۇرىلىسى 2024 جىلدىڭ مامىر ايىندا باستالعان. بۇل جوبا ەرتىس وزەنى ارقىلى وتەتىن, 60 جىلدان استام ۋاقىت پايدالانىلىپ كەلە جاتقان ەسكى وتكەلدىڭ ورنىنا سالىنىپ جاتىر. جوبانىڭ قۇنى ونداعان ميلليارد تەڭگەمەن باعالانادى.
قازاۆتوجول مالىمەتىنشە, بۇل كوپىر ەلىمىزدەگى العاشقى ەكسترادوزدى قۇرىلىم بولادى. ول ءبىرىنشى ساناتتاعى اۆتوجول تالاپتارىنا ساي سالىنىپ, ءتورت جولاقتان تۇرادى ء(ار باعىتتا ەكى جولاقتان).
الماتىدا تۇرعىن ءۇي ورتىنەن ءتورت ادام قۇتقارىلدى
قۇرىلىستى وسى جىلدىڭ سوڭىنا دەيىن اياقتاۋ جوسپارلانىپ وتىر. بۇعان دەيىنگى مالىمەتتەرگە سايكەس, قۇرىلىس باستالعالى بەرى تەحنيكالىق اقاۋلار نەمەسە باقىلاۋشى ورگاندار تاراپىنان ەسكەرتۋلەر تىركەلمەگەن.