ءىستى سارىسۋ اۋداندىق سوتى قاراعان. سوت ماتەريالدارىنا سايكەس, 2026 جىلدىڭ قاڭتار ايىندا ايەل الەۋمەتتىك جەلىدەگى پاراقشاسىندا باسقا ءبىر ايەلگە قاتىستى بالاعات جانە قورلايتىن جازبالار جاريالاعان. ول جازبالارعا جابىرلەنۋشىنىڭ فوتوسۋرەتتەرىن قوسا تىركەپ, جاعىمسىز پىكىرلەر قالدىرعان, دەپ حابارلايدى Egemen.kz.
سوتتا ايىپتالۋشى ءوز كىناسىن مويىنداپ, بۇل ارەكەتكە قىزعانىش سەبەپ بولعانىن ايتقان. ونىڭ سوزىنشە, ول كۇيەۋىنىڭ جابىرلەنۋشىمەن قارىم-قاتىناسىنا كۇماندانىپ, ەموتسياعا بەرىلگەن.
جابىرلەنۋشى بۇل جاعداي ونىڭ ار-نامىسىنا, بەدەلىنە جانە وتباسىلىق ومىرىنە زيان كەلتىرگەنىن مالىمدەگەن. ول زاڭدى نەكەدە ەكەنىن, التى بالانى تاربيەلەپ وتىرعانىن ايتىپ, بولعان وقيعا وزىنە جانە وتباسىنا مورالدىق اۋىر سوققى بولعانىن جەتكىزگەن.
جالعان اقپارات تاراتۋدىڭ جاۋاپكەرشىلىگىن بىلەمىز بە؟
ءىستىڭ سوڭىندا سوت شەشىمى زاڭ اياسىندا قارالىپ, ايىپتالۋشى جاۋاپكەرشىلىككە تارتىلعان.