21 ءساۋىر كۇنى «102» پۋلتىنە ساۋدا ورتالىعىندا بومبا قويىلعانى تۋرالى حابار تۇسكەن. وقيعا ورنىنا بارلىق جەدەل قىزمەتتەر دەرەۋ كەلگەن, دەپ حابارلايدى Egemen.kz.
اقتاۋ قالاسىندا قۇقىق قورعاۋ ورگاندارى «ارداگەر» ساۋدا ورتالىعىندا بومبا ىزدەگەن. ساپەرلىك تەكسەرۋ كەزىندە قانداي دا ءبىر جارىلعىش قۇرىلعى تابىلماعان.
«ساپەرلەردىڭ تەكسەرۋى بارىسىندا جارىلعىش زات انىقتالماعان», دەپ ناقتىلادى ماڭعىستاۋ وبلىسى پوليتسيا دەپارتامەنتىنىڭ ءباسپاسوز قىزمەتى.
بالقاشتاعى مەكتەپتەرگە جارىلعىش زات قويىلعانى راس پا
قازىر پوليتسيا جالعان حابار تاراتقان تۇلعانى انىقتاۋ بويىنشا وپەراتيۆتىك ءىس-شارالار جۇرگىزىپ جاتىر.
«بۇل جاعداي قازاقستان رەسپۋبليكاسىنىڭ قك-نىڭ 273-بابى بويىنشا (ادامداردى جالعان تەررورلىق اكت تۋرالى حابارلاۋى) بىرىككەن تەرگەۋ رەەسترىنە تىركەلدى. اتقارىلاتىن سانكتسيا ەكى جىلعا دەيىن باس بوستاندىعىنان ايىرۋدى قاراستىرادى», دەپ حابارلادى ۆەدومستۆو.
ەسكە سالساق, بۇعان دەيىن جالعان اقپارات تاراتقان اقتاۋ تۇرعىنى جازالانعان بولاتىن. ول ءبىلىم بەرۋ مەكەمەلەرىنىڭ بىرىندە بومبا بار دەگەنى ءۇشىن 1,5 جىلعا باس بوستاندىعىنان ايىرىلعان.
«جارىلعىش زات بار»: اتىراۋ اۋەجايىندا جولاۋشىلار ەۆاكۋاتسيالاندى