استانا قالاسىندا ۆەلوينفراقۇرىلىمدى اۋقىمدى جاڭارتۋ جوسپارلانىپ وتىر. جوبا «سامۇرىق-قازىنا» اق جانە كومپانيالار توبىنىڭ قايىرىمدىلىق قىزمەتىنىڭ بىرىڭعاي وپەراتورى – «Samruk-Kazyna Trust» كورپوراتيۆتىك قورىنىڭ قولداۋىمەن ىسكە اسىرىلادى جانە قوعامدىق ۆەلوجالداۋ قىزمەتتەرىنىڭ ساپاسى مەن قولجەتىمدىلىگىن ارتتىرۋعا باعىتتالعان, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
جاڭعىرتۋ اياسىندا 1300 ەلەكترلى ۆەلوسيپەد, سونداي-اق جەلىنى 195 ۆەلوستانساعا دەيىن كەڭەيتۋ كوزدەلگەن.
ۆەلوشەرينگ جۇيەسى ەلوردادا 2014 جىلدان بەرى جۇمىس ىستەپ كەلەدى جانە قالالىق كولىك ينفراقۇرىلىمىنىڭ ءبىر بولىگىنە اينالدى. قازىرگى ۋاقىتتا ۆەلوجولداۋ جۇيەسىندە 155 ستانسا جانە شامامەن 750 ۆەلوسيپەد بار.
جاڭارتۋ جابدىقتاردىڭ توزۋىمەن جانە جۇيە جۇمىسىنىڭ تيىمدىلىگىن ارتتىرۋ قاجەتتىلىگىمەن بايلانىستى.
استانادا شاحماتتان Senat Open ءتۋرنيرىنىڭ شيرەك فينالى وتەدى
جوبانى ىسكە اسىرۋ سەرۆيس سەنىمدىلىگىن ارتتىرۋعا, قامتۋدى كەڭەيتۋگە جانە ەلوردا تۇرعىندارى مەن قوناقتارىنا زاماناۋي ءارى ەكولوگيالىق تازا كولىك ءتۇرىن ۇسىنۋعا مۇمكىندىك بەرەدى.