قازاقستاندا 2026 جىلدىڭ ناۋرىز ايىندا باستاپقى تۇرعىن ءۇي نارىعىنداعى باعا سالىستىرمالى تۇردە تۇراقتى ساقتالدى. ۇلتتىق ستاتيستيكا بيۋروسىنىڭ مالىمەتىنشە, ەل بويىنشا ورتاشا ءوسىم اقپان ايىمەن سالىستىرعاندا بار بولعانى 1% بولدى. ال جىل باسىنان بەرگى ءۇش ايداعى ءوسىم +3.7% دەڭگەيىندە, دەپ حابارلايدى Egemen.kz.
ساراپشىلاردىڭ ايتۋىنشا, قازىرگى ۋاقىتتا قازاقستانداعى باستاپقى تۇرعىن ءۇي نارىعى تەپە-تەڭدىك جاعدايىندا تۇر. باعانىڭ كۇرت كوتەرىلۋى بايقالمايدى, كەرىسىنشە, كەيبىر وڭىرلەردە ءتىپتى تومەندەۋ تىركەلگەن.
قاي قالالاردا باعا وزگەردى؟ناۋرىز ايىندا جاڭا ۇيلەردىڭ باعاسى بىرنەشە قالادا وسكەن:
استانا – +2.2%; اقتوبە – +1.4%; پاۆلودار – +1%; الماتى – +0.4%; قاراعاندى – +0.4%.ال كەيبىر وڭىرلەردە باعا كەرىسىنشە تومەندەدى:
اقتاۋ – 1.5%; اتىراۋ – 0.6%; قوناەۆ – 0.4%.جاڭا ۇيلەردىڭ باعاسى قالاي وزگەردى؟
كوپتەگەن وڭىردە ايلىق ديناميكا وزگەرىسسىز قالدى. 2026 جىلدىڭ ناۋرىزىندا ەل بويىنشا جاڭا ۇيلەردىڭ ورتاشا باعاسى 612 315 تەڭگەنى قۇرادى.
استانا – 731 990 تەڭگە; الماتى – 722 400 تەڭگە; شىمكەنت – 535 036 تەڭگە; اتىراۋ – 532 205 تەڭگە; ورال – 326 259 تەڭگە; اقتوبە – 345 933 تەڭگە; كوكشەتاۋ – 350 712 تەڭگە.AERC: جاڭا ۇيلەردىڭ باعاسى قىمباتتاۋى مۇمكىن
سوڭعى ءبىر جىلدا جاڭا ۇيلەردىڭ باعاسى ورتا ەسەپپەن 16.6% وسكەن. ەڭ جوعارى ءوسىم – استانا (+20.7%), الماتى (+20.2%) جانە اقتوبە قالالارىندا (+20%) تىركەلگەن.
تۇرعىن ءۇي ەرەجەسى تۇبەگەيلى وزگەردى