سەناتتا وتكەن بريفينگ بارىسىندا جۋرناليستەر موراتوري اياقتالعاننان كەيىنگى ءبىر اپتادا جانارماي باعاسىنىڭ قانشالىقتى وزگەرگەنىن سۇرادى. ەنەرگەتيكا ۆيتسە-ءمينيسترى سانجار جاركەشوۆتىڭ ايتۋىنشا, جانار-جاعارماي باعاسى قازىرگى ۋاقىتتا نارىقتىق تەتىكپەن قالىپتاسادى جانە مەملەكەت تاراپىنان تىكەلەي رەتتەلمەيدى, دەپ حابارلايدى Egemen.kz.
ۆيتسە-ءمينيستردىڭ ايتۋىنشا ەلدىڭ ىشكى نارىعىندا جانارماي تاپشىلىعى جوق.
«باعا سۇرانىس پەن ۇسىنىسقا بايلانىستى قالىپتاسادى. قازىرگى كەزدە نارىقتا باعادا ايتارلىقتاي وزگەرىس جوق. ەڭ باستىسى – ەلدە تاپشىلىق جوق. بۇگىندە شامامەن 600 مىڭ توننا بەنزين جانە 600 مىڭ توننا ديزەل وتىنى قورى بار», دەدى ول.
ماڭعىستاۋدا جانارماي قۇيۋ بەكەتىندە جارىلىس بولدى: جۇمىسشى زارداپ شەكتى
ونىڭ ايتۋىنشا, جەتكىلىكتى قوردىڭ بولۋى ىشكى نارىقتا باعانىڭ نەگىزسىز وسۋىنە سەبەپ جوق ەكەنىن كورسەتەدى.
«قۇزىرلى ورگاندار جاعدايدى تۇراقتى باقىلاۋدا ۇستاپ وتىر. سوندىقتان بەنزين مەن ديزەل باعاسىنىڭ نەگىزسىز ءارى كۇرت قىمباتتاۋىنا جول بەرىلمەيدى», دەدى سانجار جاركەشوۆ.
ايتا كەتەيىك, وتكەن جىلدىڭ 16 قازانىنان باستاپ ينفلياتسيا تۇراقتانعانعا دەيىن اي-92 ماركالى بەنزين مەن ديزەل وتىنىنىڭ باعاسىن كوتەرۋگە موراتوري ەنگىزىلگەن بولاتىن. وسى ۋاقىت ارالىعىندا ەنەرگەتيكا مينيسترلىگى ءتيىستى ورگاندارمەن بىرلەسىپ, نارىقتى تۇراقتى باقىلاۋدا ۇستادى.
جانارماي نارىعىنىڭ بولاشاعى: ساراپشىلار باعا قالىپتاستىرۋدىڭ سىن-قاتەرلەرىن تالقىلادى
اتالعان موراتوري 1 ساۋىردە ءوز كۇشىن جويدى.