برازيليانىڭ ريو-دە-جانەيرو قالاسىندا ءوتىپ جاتقان سەمسەرلەسۋدەن جاسوسىپىرىمدەر مەن كادەتتەر اراسىنداعى الەم چەمپيوناتىندا توتەنشە جاعداي ورىن الدى. حالىقارالىق سەمسەرلەسۋ فەدەراتسياسى وليمپيادالىق ستاديون اۋماعىنداعى ۆەلودرومنىڭ شاتىرىنان ءورت شىققانىن حابارلادى, دەپ جازادى Egemen.kz.
ء«بىز ءۇشىن الەم چەمپيوناتىنىڭ بارلىق قاتىسۋشىلارىنىڭ قاۋىپسىزدىگى مەن ءال-اۋقاتى – باستى باسىمدىق. بۇعان دەيىن جارىستار ۆەلودرومدا دا, «كاريوكا 1» ارەناسىندا دا ۇيىمداستىرىلعان ەدى. ەندى بارلىق باسەكەلەر ۆەلودرومنان قاۋىپسىز قاشىقتىقتا ورنالاسقان «كاريوكا 1» ارەناسىنا اۋىستىرىلدى», دەپ مالىمدەدى فەدەراتسيا وكىلدەرى.
The Sun باسىلىمىنىڭ مالىمەتىنشە, قازىرگى ۋاقىتتا ءورتتىڭ شىعۋ سەبەبى انىقتالىپ جاتىر. ارنايى تەرگەۋ جۇمىستارى باستالدى.
فۋتبولدان الەم چەمپيوناتى فينالىنىڭ بيلەتتەرى تاعى قىمباتتادى
ەسكە سالا كەتەيىك, بيىلعى الەمدىك دودادا قازاقستان نامىسىن 17 سەمسەرلەسۋشى قورعاپ جاتىر.