ەنەرگەتيكا ۆيتسە-ءمينيسترى سانجار جاركەشوۆ ەلىمىزدىڭ مۇناي نىساندارى يران تاراپىنان جاسالۋى مۇمكىن شابۋىلداردان قانشالىقتى قورعالعانى تۋرالى ايتتى, دەپ حابارلايدى Egemen.kz.
ۆيتسە-ءمينيستردىڭ ايتۋىنشا, قازىرگى ۋاقىتتا مۇناي نىساندارىنداعى جۇمىس ىرعاعى بۇزىلماعان جانە بارلىق پروتسەستەر قالىپتى تارتىپتە ءجۇرىپ جاتىر. اسىرەسە, ەكسپورتتىڭ نەگىزگى كۇرە تامىرى سانالاتىن قۇبىر جەلىلەرى مەن جۇيەنىڭ جۇمىسىنا ەشقانداي كەدەرگى كەلتىرىلمەگەن.
ء«ارتۇرلى ستسەناريلەر كونسورتسيۋمعا قاتىسۋشى بارلىق تاراپپەن بىرگە قاراستىرىلىپ جاتىر. قازاقستان ءوز مۇمكىندىكتەرى اياسىندا بارلىق مىندەتتەمەسىن ورىنداپ كەلەدى. سونىمەن قاتار ترانزيت ەلدەر مەن ەنەرگيا رەسۋرستارىن تۇتىنۋشى مەملەكەتتەر دە ءتيىستى شارالاردى قابىلداۋدا. بارلىق تاراپ پروتسەستىڭ ۇزدىكسىز جۇرۋىنە مۇددەلى», دەدى ۆيتسە-مينيستر.
قازاقستاندا جاڭا التى مۇناي كەن ورنى انىقتالدى
سونىمەن قاتار ۆيتسە-مينيستر گەوساياسي قاتەرلەرگە بايلانىستى نىسانداردىڭ قاۋىپسىزدىگىن نىعايتۋ بويىنشا ناقتى قانداي اسكەري نەمەسە تەحنيكالىق شارالار قابىلدانىپ جاتقانى تۋرالى ساۋالعا دا جاۋاپ بەردى. ول نىسانداردى اسكەري تۇرعىدان قورعاۋعا قاتىستى اقپاراتتىڭ مەملەكەتتىك قۇپيا ەكەنىن, سوندىقتان ونىڭ ەگجەي-تەگجەيى جاريالانبايتىنىن ايتتى.
ەسكە سالا كەتەيىك, 29 قاراشادا استانا ۋاقىتىمەن 06:06-دا نوۆوروسسيسك پورتى اۋدانىندا كقك-نىڭ تەڭىز ينفراقۇرىلىم نىساندارىنا شابۋىل جاسالعان ەدى. ناتيجەسىندە تەڭىزدەگى قاشىقتاعى ايلاق قوندىرعىسى ۆپۋ-2 (قالقىمالى تيەۋ قۇرىلعىسى) ايتارلىقتاي زاقىمدالدى.