قورعالجىندا دامبى جارىلدى: استانا – قورعالجىن جولىن سۋ شايىپ كەتۋى مۇمكىن بە؟

ەگەر جول جابىنى زاقىمدانسا, سۋ ەلدى مەكەنگە قاراي ەركىن تاراۋى مۇمكىن ەدى. الايدا قازىرگى جاعدايدا جول تولىقتاي ءبۇتىن كۇيىندە ساقتالىپ وتىر, قوزعالىسقا شەكتەۋ قويىلماعان. سونىمەن قاتار سۋ وتكىزۋ قۇبىرى سۋدىڭ جينالۋىنا جول بەرمەي, ونى قاۋىپسىز باعىتقا بۇرىپ وتىر.

مۇنداي توتەنشە جاعدايلار ءبىر ساتتە شەشىلمەيدى. ولار الدىن الا جاسالعان جۇيەلى جۇمىستاردىڭ ناتيجەسىندە عانا ەڭسەرىلەدى.

«قازاۆتوجول» ماماندارىنىڭ مالىمەتىنشە, سوڭعى 2 جىلدا ەلدەگى سۋ تاسقىنى قاۋپى بار ۋچاسكەلەر سانى 284-تەن 184-كە دەيىن قىسقارعان. ولاردىڭ جالپى ۇزىندىعى دا ايتارلىقتاي ازايىپ, 206 كم-دەن 83 كم-گە دەيىن تومەندەگەن. بۇرىن ونداعان جەردەن سۋ اسىپ وتسە, قازىر مۇنداي جاعدايلار جەكەلەگەن عانا جاعداي رەتىندە تىركەلەدى.

شوپتىكول بوگەتىندەگى قازىرگى احۋال: سابىندى اۋىلىندا سۋ تاسقىنى قاۋپى جويىلدى

بۇل ناتيجەگە قول جەتكىزۋ ءۇشىن سۋ وتكىزەتىن قۇبىرلار تازارتىلىپ, جاڭالارى ورناتىلعان, سۋ اعىنىن ەسەپتەۋ جۇيەلەرى جەتىلدىرىلىپ, تۇراقتى مونيتورينگ جۇرگىزىلىپ وتىر. تەك وتكەن جىلى عانا 500-دەن استام سۋ وتكىزۋ قۇبىرى ورناتىلعان, ال بيىل بۇل جۇمىستار جالعاسادى.

ەلىمىزدە جول جەلىسىنىڭ ۇزىندىعى 25 مىڭ شاقىرىمنان اسادى. كوكتەمگى كەزەڭ – وسى ينفراقۇرىلىم ءۇشىن ناعىز سىناق. سۋ تاسقىنى, تەمپەراتۋرانىڭ كۇرت وزگەرۋى جانە جەر بەدەرىنە تۇسەتىن قىسىم – ءبارى جۇيەنىڭ بەرىكتىگىن تەكسەرەدى. كەي جەرلەردە بۇرىن بولماعان جاڭا قاۋىپتەر دە پايدا بولۋى مۇمكىن.

سۋ تاسقىنى: اقمولا وبلىسىندا جاعداي قالاي؟