وقۋ-اعارتۋ ءمينيسترى جۇلدىز سۇلەيمەنوۆا پەداگوگتەردىڭ ءبىلىمىن باعالاۋ (پبب) تەستىنىڭ توقتاتىلۋىنا قاتىستى تۋىنداعان سۇراقتارعا جاۋاپ بەردى.ء مينيستردىڭ ايتۋىنشا, بۇل ءراسىمنىڭ اتتەستاتسياعا ەشقانداي قاتىسى جوق, دەپ جازادى Egemen.kz.
مينيستر جۇلدىز سۇلەيمەنوۆا اتاپ وتكەندەي, بۇل شەشىم ۋاقىتشا ەمەس, جۇيەلى وزگەرىس رەتىندە قابىلدانعان. ەندى جۇمىس ىستەپ جۇرگەن پەداگوگتەر بىلىكتىلىك تەكسەرۋ تەستىن تاپسىرۋدان بوساتىلادى.
«پەداگوگ ماماندىعىنا ەڭ العاشقى قادامىن باسىپ جاتقان ۋنيۆەرسيتەت تۇلەكتەرى تاپسىرادى. ويتكەنى, ولار ماماندىققا ەندى عانا كەلە جاتىر, سوندىقتان ولاردىڭ ءبىلىم دەڭگەيىن ءبىز ءبىلۋىمىز كەرەك. سونداي-اق, وسى جاس ۇستازدار ەكى جىلدان كەيىن "پەداگوگ مودەراتور" بىلىكتىلىك دەڭگەيىنە وتۋگە قادام باسقان كەزدە پەداگوگتىڭ بىلىكتىلىك دەڭگەيىن تەكسەرۋ تەستىن تاپسىرادى. قالعان ۇستازدار قالعان ساناتتارعا ءوتۋ ءۇشىن بىلىكتىلىك تەستىن تاپسىرمايدى», دەدى مينيستر.
پەداگوگتەرگە ارنالعان بايقاۋ جاريالاندى: ءوتىنىم قابىلداۋ قاشان باستالادى؟
ءمينيستردىڭ ايتۋىنشا, بۇل تالاپ جاس ۇستازداردىڭ كاسىبي دامۋىنا دا قاتىستى. اتاپ ايتقاندا, ولار 2 جىلدان كەيىن «پەداگوگ مودەراتور» دەڭگەيىنە ءوتۋ كەزىندە بىلىكتىلىك تەستىنەن قايتا وتەدى.
قالعان ساناتتاعى مۇعالىمدەر ءۇشىن بۇل تەست ەندى اتتەستاتسيا ۇدەرىسىنە اسەر ەتپەيدى جانە ولاردىڭ كاسىبي دەڭگەيىن باعالاۋ قۇرالى رەتىندە قولدانىلمايدى.
روتاتسيا رەفورماسى: مەكتەپ ديرەكتورلارىن شەكتى مەرزىمگە تاعايىنداۋ قانشالىقتى ءتيىمدى؟
ايتا كەتەيىك, بۇعان دەيىن مينيسترلىك پەداگوگتەردىڭ ءبىلىمىن باعالاۋ ءراسىمىنىڭ توقتاتىلعانىن حابارلاعان ەدى.