قازاقستاننىڭ حالىق جازۋشىسى, اقىن, قوعام قايراتكەرى مۇحتار شاحانوۆتىڭ دەنساۋلىعى كۇرت ناشارلاپ, اۋرۋحانادا جاتىر, دەپ جازادى Egemen.kz.
بۇل تۋرالى الەۋمەتتىك جەلىدە مۇحتار شاحانوۆ اتىنداعى قوردىڭ توراعاسى نۇرجىگىت ىسقاق مالىمدەدى.
«حالقىمىزدىڭ قاھارمان اقىنى, ءارى جازۋشىسى, ۇلت ءۇشىن جانىن اياماي تەر توككەن ازاماتى مۇحتار شاحانوۆتى بىلمەيتىن قازاق كەم دە, كەم! تەك قانا قازاق قانا ەمەس, بۇكىل تۇركى الەمىن دە مويىنداتقانى وتىرىك ەمەس. كەڭەستىك جۇيەنىڭ قىلىشىنان قان تامىپ تۇرعان كەزىنىڭ وزىندە باسىن بايگەگە تىگىپ, كرەملدىڭ تورىندە جەلتوقسان وقيعاسىن الەمگە پاش ەتكەنىنىڭ ءوزى نە تۇرادى! ايتار بولساق ول كىسىنىڭ ەلگە جاساعان قىزمەتىن ساناپ تاۋىسا الماسپىز.
قازىر كوكەمىز 84 جاسقا كەلدى. بىراق, دەنساۋلىعى سىر بەرىپ, جانساقتاۋ بولىمىندە جاتىر. ەندەشە, قۇرمەتتى حالايىق! كوكەمىزدىڭ تەز ساۋىعىپ, ورتامىزعا ورالۋى ءۇشىن دۇعا جاساپ قويايىق!», دەپ جازدى ول.