بۇگىن بىرقاتار وڭىردە اۋا رايى كۇرت بۇزىلىپ, بۇرشاق جاۋىپ, ەكپىندى جەل سوعادى. «قازگيدرومەت» سينوپتيكتەرى بىرنەشە وبلىستا قولايسىز مەتەورولوگيالىق قۇبىلىستارعا بايلانىستى ەسكەرتۋ جاريالادى, دەپ حابارلايدى Egemen.kz.
تۇركىستان وبلىسىندا كۇن رايى تۇراقسىز بولادى. وڭىردە نايزاعاي ويناپ, بۇرشاق جاۋادى, جەلدىڭ ەكپىنى 15-20 م/س جەتەدى. تاۋلى اۋدانداردا نوسەر جاڭبىر كۇتىلەدى. شىمكەنت پەن تۇركىستان قالالارىندا دا جەل كۇشەيىپ, جوعارى ءورت قاۋپى ساقتالادى.
جەتىسۋ وبلىسىندا الاكول ماڭىندا جەلدىڭ جىلدامدىعى ەرەكشە كۇشەيىپ, 30 م/س جانە ودان دا جوعارى بولۋى ىقتيمال. وبلىستىڭ سولتۇستىگى مەن شىعىسىندا جەل ەكپىنى 15-20 م/س بولادى. تالدىقورعاندا دا ءورت قاۋپى جوعارى دەڭگەيدە ساقتالادى.
الماتى وبلىسىنىڭ تاۋلى ايماقتارىندا كۇندىز نايزاعاي وينايدى, جەل ەكپىنى 15-20 م/س-قا جەتەدى. الماتى جانە قوناەۆ قالالارىندا جوعارى ءورت قاۋپى ساقتالادى. مەدەۋ مەن بوستاندىق اۋداندارىندا دا وسىنداي قۇبىلىستار كۇتىلەدى.
قىزىلوردا وبلىسىنىڭ وڭتۇستىگى مەن ورتالىعىندا نايزاعاي, بۇرشاق جانە ەكپىندى جەل بولجانعان. جەل باعىتى اۋىسىپ, ەكپىنى 15-20 م/س-قا دەيىن جەتەدى. قىزىلوردا قالاسىندا كۇندىز نايزاعايلى بۇرشاق بولۋى مۇمكىن.
ۇلىتاۋ وبلىسىنىڭ باتىسى, سولتۇستىگى جانە وڭتۇستىگىندە جاڭبىر مەن نايزاعاي كۇتىلەدى. تۇندە جانە تاڭەرتەڭ تۇمان تۇسەدى. جەزقازعان قالاسىندا دا وسىنداي اۋا رايى قالىپتاسادى.
قاراعاندى وبلىسىنىڭ سولتۇستىك-باتىسىندا كۇندىز نايزاعاي وينايدى, ال وزگە وڭىرلەردە تۇمان تۇسەدى. قاراعاندى قالاسىندا تۇنگى جانە تاڭعى ۋاقىتتاردا تۇمان بايقالادى.
ماڭعىستاۋ وبلىسىندا تۇندە جانە تاڭەرتەڭ تۇمان ءتۇسىپ, جەلدىڭ ەكپىنى 15-20 م/س بولادى.
اباي وبلىسىندا جانە سەمەي قالاسىندا دا تۇندە جانە تاڭەرتەڭ تۇمان كۇتىلەدى.
باتىس قازاقستان وبلىسىندا تۇمان ءتۇسىپ, كۇندىز جەلدىڭ ەكپىنى 15-20 م/س-قا دەيىن كۇشەيەدى. ورال قالاسىندا دا وسىعان ۇقساس جاعداي ساقتالادى.
قوستاناي وبلىسىندا جاڭبىر جاۋىپ, نايزاعاي وينايدى, كەي جەرلەردە تۇمان تۇسەدى. جەل ەكپىنى 15-20 م/س-قا جەتەدى. قوستاناي قالاسىندا تۇندە نايزاعاي كۇتىلەدى.
جامبىل وبلىسىنىڭ تاۋلى اۋداندارىندا جاڭبىر, نايزاعاي جانە تۇمان بولادى. جەلدىڭ جىلدامدىعى 15-20 م/س-قا جەتەدى. تارازدا تۇندە جانە تاڭەرتەڭ تۇمان بايقالادى.
اقتوبە وبلىسىندا تۇندە بىرنەشە اۋداندا نايزاعاي جارقىلداپ, جەل ەكپىنى 15-20 م/س بولادى. اقتوبە قالاسىندا جەلدىڭ جىلدامدىعى 15-18 م/س-قا جەتەدى.
شىعىس قازاقستان وبلىسىندا جانە وسكەمەن قالاسىندا تۇنگى جانە تاڭعى تۇمان كۇتىلەدى. سونىمەن قاتار وڭىردە ءبىرىنشى دارەجەلى قولايسىز مەتەورولوگيالىق جاعداي (نمۋ) جاريالانعان.
اقمولا وبلىسىندا كۇندىز باتىسى مەن سولتۇستىگىندە جاڭبىر مەن نايزاعاي بولادى. تۇندە جانە تاڭەرتەڭ تۇمان ءتۇسىپ, جەل ەكپىنى 15-20 م/س-قا جەتەدى.
پاۆلودار وبلىسىنىڭ بىرقاتار بولىگىندە تۇمان كۇتىلەدى.
سولتۇستىك قازاقستان وبلىسىندا جاڭبىر مەن نايزاعاي بولجانىپ وتىر. كەي وڭىرلەردە تۇمان ءتۇسىپ, جەلدىڭ ەكپىنى 15-20 م/س-قا دەيىن كۇشەيەدى. پەتروپاۆل قالاسىندا كۇندىز نايزاعاي, تۇندە جانە تاڭەرتەڭ تۇمان بايقالادى.
قازاقستاننىڭ باسىم بولىگىندە اۋا رايى كۇرت بۇزىلادى
سينوپتيكتەر تۇرعىنداردى اۋا رايىنىڭ قۇبىلۋىنا بايلانىستى ساقتىق شارالارىن كۇشەيتىپ, الىس جولعا شىققاندا مۇقيات بولۋعا شاقىرادى.
نوسەر جاڭبىر مەن داۋىل: بىرقاتار وڭىردە اۋا رايىنا بايلانىستى ەسكەرتۋ جاريالاندى