قوعامدىق قۇندىلىقتار ديسكۋرسى

جيىننىڭ اشىلۋىندا نازارباەۆ ۋنيۆەرسيتەتىنىڭ ستۋدەنتتىك ىستەر جانە حالىقارالىق ىنتىماقتاستىق جونىن­دەگى ۆيتسە-پرەزيدەنتى قاديشا دايىروۆا, جاراتىلىستانۋ, الەۋمەتتىك جانە گۋما­نيتارلىق عىلىمدار مەكتەبىنىڭ دەكانى گونسالو حورتەلانو مەن قازاق ءتىلى جانە تۇركىتانۋ كافەدراسىنىڭ مەڭگەرۋشىسى يۋلاي شاميلوعلى ءسوز الىپ, كونفەرەنتسيا جۇمىسىنا ساتتىلىك تىلەدى.

ءىس-شارا اياسىندا حالىقارالىق دەڭ­گەيدەگى جەتەكشى عالىمدار بايانداما جاسادى. نەگىزگى بايانداماشىنىڭ ءبىرى – اقش-تىڭ «Coastal Carolina» ۋنيۆەرسيتەتى­نىڭ پروفەسسورى اننا ولدفيلد «تالقىلاۋ­دان تاجىريبەگە دەيىن: ورتالىق ازيا ادەبيە­تىن وقۋدا, وقىتۋدا جانە اۋدارۋدا پوستكولونيالىق تەوريانى پايدالانۋ» تاقىرىبىنداعى بايانداماسىن وقىدى. سونىمەن قاتار ول «جاساندى ينتەللەكت داۋىرىندە ادەبيەتتى وقىتۋ» اتتى ارنايى سەمينار وتكىزدى. سونداي-اق ونلاين فورماتتا بايانداما جاساعان اقش-تاعى «Michiga ۋنيۆەرسيتەتىنىڭ پروفەسسورى, انتروپولوگ روز ۋەلمان بىرلەسكەن اۆتورلىق پەن ەتنوگرافياداعى پوستكولونيالىق زەرتتەۋ ادىستەرىنە توقتالدى. ال ە.بوكەتوۆ اتىنداعى قاراعاندى ۇلتتىق زەرتتەۋ ۋنيۆەرسيتەتىنىڭ پروفەسسورى ايناش مۇستوپاەۆا ەلىمىزدەگى گۋمانيتارلىق عىلىمداعى پوستكولونيالىق ديسكۋرس ماسەلەسىن جان-جاقتى تالدادى.

سونىمەن بىرگە جيىن اياسىندا ءتىل, ادە­بيەتتانۋ, تۇركىتانۋ عىلىمى: ما­دە­ني جانە تاريحي ساباقتاستىق, قوعام­­دىق قۇندىلىقتاردىڭ تاريحي, انترو­پولوگيالىق جانە فيلوسوفيالىق نەگىز­دەرى سەكىلدى باعىتتار بويىنشا سەسسيا ۇيىمداستىرىلدى.