زەينەتاقى جيناعى ارتىپ كەلەدى

2026 جىلعى 1 ناۋرىزدا مىندەتتى زەينەتاقى جارنالارى (مزج) ەسەبىندەگى جيناق كولەمى 25,23 ترلن تەڭگە بولدى. ءبىر جىلداعى ءوسىم 3,35 ترلن تەڭگەگە (15,3%) جەتتى. مىن­دەتتى كاسىپتىك زەينەتاقى جارنالارى (مكزج) ءبىر جىلدا 14,8%-عا ءوسىپ, 746,91 ملرد تەڭگە بولدى. ءبىر جىل ىشىن­دەگى ەڭ قوماقتى ءوسىم – ەرىك­تى زەينەتاقى جارنالارىندا (23,6%). ونىڭ كولەمى بيىل­عى اق­پان­دا 9,89 ملرد تەڭگەنى كورسەت­تى. سالىم­شىلاردىڭ (الۋشىلاردىڭ) زەينەتاقى شوتتارىنا 2024 جىلعى 1 قاڭ­تاردان تۇسە باستاعان جۇمىس بەرۋشىنىڭ مىندەتتى زەينەتاقى جارنالارى (جمزج) دا ەسەلەنە ارتقان. ناقتىلاساق, بىل­تىر­عى ءدال وسى كەزەڭمەن سالىستىرعاندا بيىل 2,8 ەسەگە ۇلعايىپ, 879,18 ملرد تەڭگە بولدى.

زەينەتاقى جيناقتارى زەينەت­اقى جارنالارى مەن ين­ۆەستي­تسيالىق كىرىس تۇرىندەگى كىرىس ەسەبىنەن مولايادى. 2026 جىلدىڭ العاشقى ەكى ايىندا سالىمشىلاردىڭ جەكە ءارى شارتتى زەينەتاقى شوتتارىنا 571,83 ملرد تەڭگە ءتۇستى. بۇل بىل­تىرعى قاڭتار-اقپان ايلارىمەن سالىستىرعاندا 15%-عا (74 501,45 ملرد تەڭگە) ارتقانىن كورسەتەدى.

جەكە زەينەتاقى شوتتارىنا (جزش) بيىل جىل باسىنان بەرى 446,35 ملرد تەڭگە تۇسكەن. قاڭتار ايىنان بەرى سا­لىم­شىلاردىڭ شوتتارىنا تۇسكەن تازا ينۆەستي­تسيالىق كىرىس 523,88 ملرد تەڭگەدەن استى. قاڭتار-اقپانداعى بجزق-دان جار­نالاردىڭ بارلىق تۇرلەرىنە جاسالعان تولەمدەر مەن ساقتاندىرۋ ۇيىمدارى­نا اۋدا­رىمدار 237,13 ملرد تەڭگە بولدى. زەينەت جاسىنا تولۋىنا بايلانىستى تولەمدەر 42,32 ملرد تەڭگەگە جەتتى. بجزق-دان زەينەت جاسىنا تولۋىنا بايلانىستى كەستەگە ساي بەرىلەتىن ورتاشا ايلىق تولەم – 38 735 تەڭگە.

2026 جىلدىڭ باسىنان بەرى تۇر­عىن ءۇي جاعدايلارىن جاقسار­تۋعا, سونىمەن قاتار ەمدەلۋگە ار­نال­عان بىرجولعى زەي­نەت­اقى تولەم­دەرى ەسەبىنەن 86,26 ملرد تەڭگە ­جۇم­­­سالعان. مۇراگەرلىككە – 26,86 ملرد تەڭگە, ەلدەن كوشىپ كەتۋىنە باي­­­لا­نىستى – 6,67 ملرد تەڭگە, مۇگە­­دەك­تىگى بار ادامدارعا – 665,93 ملن تەڭگە, جەرلەۋگە 1,63 ملرد تەڭ­گە كو­لە­مىندە تولەم جاسال­دى. ساقتان­دىرۋ ۇيىمدارىنا 72,73 ملرد ­تەڭگە اۋدارىلدى.