ءوندىرىس يننوۆاتسيا ارقىلى وركەندەيدى

ونەركاسىپ جانە قۇرىلىس ءمينيسترى ەرسايىن ناعاسپاەۆ كورمەنىڭ اشىلۋ راسىمىندە ماشينا جاساۋ وڭدەۋشى ونەركا­سىپ­تىڭ نەگىزگى تىرەكتەرىنىڭ بى­رى­نە اينالعانىن ايتتى. ونىڭ دەرە­گىنشە, سالادا 4 مىڭ كا­سىپ­ورىن جۇمىس ىستەي­دى, 130 مىڭعا جۋىق مامان ەڭ­بەك ەتە­دى. وتكەن جىل­دىڭ قورى­تىن­دىسىندا ءوندى­رىس كولەمى شامامەن 6 ترلن تەڭگەگە جەتىپ, 18 پايىز ءوسىم تىركەلگەن.

ماشينا جاساۋ ۇلەسى وڭدەۋ­شى ونەركاسىپ كولەمىنىڭ شامامەن بەستەن ءبىرىن قۇرايدى. بۇل كورسەتكىش يندۋستريالىق قۇرى­لىمداعى وزگەرىستەردى اڭعار­تادى. كەيىنگى جىلدارى ءوندى­رىس ۇدەرىسىن اۆتوماتتاندىرۋ, تسيفرلىق مودەلدەۋ, روبوتتان­دىرۋ باعىتىنداعى جوبالار قارقىن الدى. تەحنولوگيالىق جاڭارۋ ەڭبەك ونىمدىلىگىن ارتتىرىپ, ءونىم ساپاسىن جاقسارتۋعا ىقپال ەتىپ وتىر.

2024–2028 جىلدارعا ارنال­عان كەشەندى جوسپار سالا دا­مۋىنىڭ ينستيتۋتسيونالدىق نەگى­زىن قالىپتاستىرۋعا باعىت­تال­عان. قۇ­جاتتا كاسىپورىن­داردى شيكىزاتپەن قامتا­ما­سىز ەتۋ, قارجىلاندىرۋ قۇرالدا­رىن جەتىلدىرۋ, ينجە­نەرلىك كادر دايارلاۋ, ءونىم وتكىزۋ نارىعىن كەڭەيتۋ تەتىكتەرى قاراستىرىلعان.

ساراپشى ماماندار الەمدىك قۇن تىزبەگىنە كىرىگۋ ءۇشىن ىشكى ون­دىرىستىك كووپەراتسيانى كۇ­شەيتۋ ماڭىزدى ەكەنىن ايتادى. جاڭا يندۋستريالىق ساياسات وتاندىق كاسىپورىنداردىڭ تەحنولوگيالىق دەڭگەيىن كوتە­رۋگە باعىتتالۋعا ءتيىس. ماشينا جاساۋ – ەكونوميكانىڭ مۋلتي­پليكاتيۆتى اسەرى جوعا­رى سالاسى. ءبىر جوبانىڭ ىسكە قوسىلۋى ونداعان قوسالقى ءوندىرىستىڭ دامۋىنا ىقپال ەتەدى.

قازاقستان ماشينا جاساۋ­شى­­­­لار وداعى­نىڭ باسقارما تو­راعاسى مەيرام پشەمباەۆتىڭ پى­كىرىنشە, Machine Building جانە يندۋستريالىق باعىتتاعى كورمەسى – ەڭ الدىمەن وتان­دىق بيزنەس پەن ونەركاسىپ كاسىپ­ورىندارىنىڭ زاماناۋي تەحنولوگيالارعا, جاڭا شە­­شىم­دەرگە قول جەتكىزۋىنە مۇم­كىن­دىك بەرەتىن ماڭىزدى الاڭ. مۇن­داي كەزدەسۋلەر ءوزارا ءتيىمدى كوو­پەراتسيانى كەڭەيتىپ, بىر­لەسكەن كاسىپورىندار قۇرۋعا نەگىز قالايدى.

«بۇگىندە كورمە جاڭا تەحنولو­گيا­لار تارتىلاتىن ءارى ين­نوۆا­تسيا­لىق جوبالار تانىستىرىلا­تىن ماڭىزدى ورتالىققا اينال­دى. فورۋم اياسىندا وتەتىن بۇل الاڭ وتاندىق ونەركاسىپ­تىڭ الەۋەتىن ارتتىرۋعا ىقپال ەتىپ, قۇ­رىلىس پەن ماشينا جاساۋ سالا­لارىنداعى ارىپتەستىكتى نىعايتا تۇسەدى», دەيدى باسقارما توراعاسى.

فورۋم اياسىنداعى پلەنارلىق وتىرىستار مەن تاقىرىپتىق سەسسيالار ءۇش كۇنگە جالعاسادى. ساراپشىلار ءوندىرىستى جاڭعىرتۋ, تەحنولوگيا ترانسفەرى, كادر دايارلاۋ ماسەلەلەرىن تالقىلاپ, ناقتى ۇسىنىمدار ازىرلەۋگە نيەتتى.