سىرتقى ىستەر مينيسترلىگى تۇركيادا قازاقستان ازاماتىنىڭ قازا تاپقانى تۋرالى اقپاراتتى راستادى, دەپ حابارلايدى Egemen.kz.
«سىرتقى ىستەر مينيسترلىگى 2026 جىلعى 31 ناۋرىزدا فاتيح اۋدانىندا قازاقستان رەسپۋبليكاسى ازاماتى قاتىسقان وقيعا تۋرالى حاباردار. قازىرگى تاڭدا تۇركيا رەسپۋبليكاسى كومپەتەنتتى ورگاندارى قاجەتتى تەرگەۋ شارالارىن جۇرگىزىپ جاتىر. ىستانبۇلداعى قر باس كونسۋلدىعى قازا تاپقان ازاماتتىڭ تۋىستارىنا قاجەتتى قولداۋ كورسەتىپ وتىر. ماسەلە باقىلاۋدا», دەپ حابارلادى ءسىم.
Haberler مالىمەتىنە سۇيەنسەك, 31 ناۋرىزدا ساعات 16:30 شاماسىندا ىستانبۇلدىڭ فاتيح اۋدانىندا بەلگىسىز بىرەۋ قازاقستان ازاماتى, جەكە لوگيستيكا كومپانياسىندا جۇمىس ىستەگەن اريف يسمايلوۆقا وق اتقان. قازاقستان ازاماتى اۋىر جاراقات الىپ, اۋرۋحانادا قايتىس بولدى.
اقش-تا اق ءۇي ماڭىندا اتىس بولدى
ىستانبۇل پوليتسياسى 1 ساۋىردە قازاقستاندىقتى ءولتىردى دەگەن كۇدىكتىلەردى ۇستاعانىن حابارلادى. ولار گرۋزيا ازاماتتارى بولىپ شىققان جانە شەكارادان تىس قاشپاق بولعان.