رەسەي بيلىگى پايدالانۋشىلاردىڭ قۇرىلعىلارىنداعى VPN قىزمەتتەرىن انىقتاۋعا باعىتتالعان جاڭا تالاپتاردى ەنگىزىپ جاتىر. وسىعان بايلانىستى تسيفرلىق دامۋ مينيسترلىگى سبەر, ياندەكس, VK, Wildberries, Ozon جانە وزگە دە ءىرى كومپانيالارعا ءتيىستى ۇسىنىستار جىبەردى, دەپ حابارلايدى Egemen.kz.
اتالعان كومپانيالار 15 ساۋىرگە دەيىن VPN قولداناتىن پايدالانۋشىلارعا قولجەتىمدىلىكتى شەكتەۋى ءتيىس. تالاپ ورىندالماعان جاعدايدا ولارعا سانكتسيالار قولدانىلۋى مۇمكىن, سونىڭ ىشىندە IT-اككرەديتاتسيادان ايىرۋ جانە «اق تىزىمدەردەن» شىعارۋ قاراستىرىلعان.
VPN-ءدى انىقتاۋ نەگىزىنەن IP-مەكەنجايلاردى, گەولوكاتسيانى جانە پايدالانۋشىنىڭ ينتەرنەتتەگى ارەكەتىن تالداۋ ارقىلى جۇرگىزىلىپ جاتىر. الايدا بۇل جۇيە تولىق ءدال ناتيجە بەرمەي, كەيبىر قاتەلىكتەرگە جول بەرىپ وتىر.
iPhone-دا گەولوكاتسيانى وپەراتوردان جاسىراتىن فۋنكتسيا پايدا بولدى
ەڭ باستى قيىندىق iPhone قۇرىلعىلارىمەن بايلانىستى بولىپ وتىر. Apple كومپانياسىنىڭ iOS جۇيەسىندەگى قاۋىپسىزدىك ساياساتىنا سايكەس, قوسىمشالار VPN-ءدى تىكەلەي انىقتاي المايدى. سونىڭ سالدارىنان مۇنداي قۇرىلعىلاردا VPN-ءدى انىقتاۋ مۇمكىندىگى ايتارلىقتاي شەكتەۋلى.
مامانداردىڭ ايتۋىنشا, بۇل ماسەلە باقىلاۋ شارالارىنىڭ تيىمدىلىگىنە اسەر ەتىپ, جۇيەنىڭ تولىق جۇمىس ىستەۋىنە كەدەرگى كەلتىرىپ وتىر. وسىلايشا, قازىرگى تاڭدا iPhone پايدالانۋشىلارىنىڭ VPN قولدانۋىن ناقتى انىقتاۋ قيىن بولىپ وتىر.
2026 جىلى iPhone 18 شىقپاۋى مۇمكىن