سينوپتيكتەردىڭ مالىمەتىنشە, 7-9 ءساۋىر ارالىعىندا قازاقستاننىڭ باسىم بولىگىندە اۋا رايى تۇراقسىز بولادى. سولتۇستىك پەن سولتۇستىك-باتىس وڭىرلەردە جاڭبىر قارعا ۇلاسۋى مۇمكىن, دەپ حابارلايدى Egemen.kz.
ەلىمىزدىڭ باتىسىندا, سولتۇستىگىندە جانە وڭتۇستىگىندە كەي ۋاقىتتاردا نوسەر جاڭبىر جاۋادى دەپ بولجانعان. سونىمەن قاتار رەسپۋبليكا بويىنشا جەلدىڭ كۇشەيۋى مەن تۇمان كۇتىلەدى, ال باتىس پەن وڭتۇستىك ايماقتاردا بۇرشاق جاۋى مۇمكىن.
جاۋىن-شاشىنسىز اشىق اۋا رايى تەك ەلىمىزدىڭ شىعىسىندا عانا كۇتىلەدى.
اۋا تەمپەراتۋراسىنا كەلەتىن بولساق, سولتۇستىك جانە سولتۇستىك-باتىس وڭىرلەردە كۇندىزگى كورسەتكىش +3...+15 گرادۋسقا دەيىن تومەندەيدى.
ەسكە سالا كەتەيىك, بۇگىن بىرقاتار وڭىردە اۋا رايىنا بايلانىستى ەسكەرتۋ جاريالاندى.