باس پروكۋراتۋرا مەن ىشكى ىستەر مينيسترلىگى ينتەرپول ۇلتتىق ورتالىق بيۋروسىنىڭ قىزمەتكەرلەرى, سونداي-اق قازاقستاننىڭ رەسەيدەگى ەلشىلىگىنىڭ قولداۋىمەن ترانسۇلتتىق قىلمىستىق توپقا قاتىسى بار كۇدىكتىنى رەسەي فەدەراتسياسىنان ەلگە قايتاردى, دەپ حابارلايدى Egemen.kz.
تەرگەۋ دەرەكتەرىنە سايكەس, كۇدىكتى 2023 جىلى قازاقستان اۋماعىندا اكتسيزدەلەتىن تاۋارلاردى (تەمەكى ونىمدەرىن) زاڭسىز ساقتاپ, سايكەستەندىرۋ قۇرالدارىنسىز تاسىمالداعان. بۇل تاۋارلار كەيىن رەسەي اۋماعىنا زاڭسىز جولمەن شىعارىپ ساتۋ ءۇشىن دايىندالعان.
اتالعان زاڭسىز ارەكەتتەردىڭ سالدارىنان مەملەكەت بيۋدجەتىنە ءتۇسۋى ءتيىس اكتسيزدىك تۇسىمدەردەن 1 ميلليارد تەڭگە كولەمىندە شىعىن كەلتىرىلگەن.
10 ملرد تەڭگەدەن استام شىعىن: قارجى پيراميداسىن باسقارعان كۇدىكتى ەلگە ەكستراديتسيالاندى
قىلمىس جاساعاننان كەيىن كۇدىكتى جاسىرىنعاندىقتان, ول حالىقارالىق ىزدەۋگە جاريالانعان. 2025 جىلدىڭ ءساۋىر ايىندا ول رەسەي اۋماعىندا ۇستالىپ, قازاقستاننىڭ سۇراۋى بويىنشا ەكستراديتسيالاندى.
قازىرگى ۋاقىتتا كۇدىكتى تەرگەۋ يزولياتورىنا قامالدى. قىلمىستىق ءىس بويىنشا مۇلكىن تاركىلەۋ جانە 12 جىلعا دەيىن باس بوستاندىعىنان ايىرۋ جازاسى قاراستىرىلىپ وتىر.
اسا ءىرى كولەمدە الاياقتىق جاساعان قازاقستان ازاماتى تۇركيادان ەكستراديتسيالاندى