اقش, يران جانە وڭىرلىك دەلدالدار قاقتىعىستى رەتتەۋدىڭ العاشقى كەزەڭى رەتىندە 45 كۇندىك اتىستى توقتاتۋ رەجيمىن ەنگىزۋ ماسەلەسىن تالقىلاپ جاتىر, دەپ جازادى Egemen.kz.
Axios باسىلىمىنىڭ مالىمەتىنشە, تاراپتار ەكى كەزەڭنەن تۇراتىن جوسپاردى قاراستىرىپ جاتىر. ءبىرىنشى كەزەڭدە 45 كۇنگە ۋاقىتشا ءبىتىم جاريالاۋ ۇسىنىلادى. وسى مەرزىم ىشىندە تاراپتار تۇپكىلىكتى بەيبىت كەلىسىمنىڭ شارتتارىن كەلىسۋگە ءتيىس. قاجەت بولعان جاعدايدا بۇل مەرزىمدى ۇزارتۋ مۇمكىندىگى دە قاراستىرىلعان.
ال ەكىنشى كەزەڭدە قاقتىعىستى تولىق اياقتاۋعا باعىتتالعان كەشەندى كەلىسىمگە قول قويۋ كوزدەلەدى.
«تەگەران ەندى بۇرىنعىداي بولمايدى»: يزرايل مەن اقش يرانعا سوققى جاسادى
دەرەككوزدەردىڭ مالىمەتىنشە, سوڭعى كۇندەرى اقش پرەزيدەنتى دونالد ترامپ اكىمشىلىگى يرانعا بىرنەشە ۇسىنىس جولداعان. الايدا يران تاراپى ازىرگە ولاردىڭ ەشقايسىن قابىلداماعان.
ساراپشىلار الداعى 48 ساعات ىشىندە كەلىسىمگە قول جەتكىزۋ ىقتيمالدىعىن تومەن دەپ باعالاپ وتىر.
ەسكە سالايىق, 4 ساۋىردە دونالد ترامپ يرانعا كەلىسىم جاساۋ ءۇشىن 48 ساعات ۋاقىت بەرىلگەنىن, ايتپەسە «قاتاڭ سوققى جاسالاتىنىن» مالىمدەگەن ەدى. ءوز كەزەگىندە تەگەران بۇل ۋلتيماتۋمدى قابىلداماي, اقش باسشىسىنا قاتاڭ جاۋاپ قاتاتىنىن جەتكىزدى.
«الداعى 2-3 اپتادا يرانعا جويقىن سوققى جاسايمىز»: ترامپ سوعىستىڭ قاشان اياقتالاتىنىن ايتتى