قازاقستان جەڭىل اتلەتيكا فەدەراتسياسى مەن قازاق ۇلتتىق سپورت ۋنيۆەرسيتەتى ءوزارا ىنتىماقتاستىق تۋرالى مەموراندۋم قابىلدادى, دەپ حابارلايدى Egemen.kz فەدەراتسيانىڭ ءباسپاسوز قىزمەتىنە سىلتەمە جاساپ.
قوس تاراپ وكىلدەرى – جەڭىل اتلەتيكا فەدەراتسياسىنىڭ باس حاتشىسى كەلبەت نۇرعازينا مەن قازاق ۇلتتىق سپورت ۋنيۆەرسيتەتىنىڭ رەكتورى تۇرسىنزادا قۋانعاليەۆا ماڭىزدى قۇجاتقا قول قويىپ, ەكى ۇجىم اراسىنداعى ىنتىماقتاستىقتى بەكىتە ءتۇستى.
مەموراندۋم اياسىندا جەڭىل اتلەتيكادان قازاقستاننىڭ جازعى چەمپيوناتتارى ۇلتتىق سپورت ۋنيۆەرسيتەتىنىڭ بازاسىندا وتكىزىلەتىن بولىپ شەشىلدى. سونداي-اق, جەڭىل اتلەتيكادان ۇلتتىق قۇراما سپورتشىلارىنىڭ جاتتىعۋ جيىندارىن وقۋ ورنىنىڭ بازاسىندا ۇيىمداستىرۋ ماسەلەسى وڭ شەشىم تاپتى.
الداعى ۋاقىتتا قازاق ۇلتتىق سپورت ۋنيۆەرسيتەتىنىڭ قابىرعاسىندا حالىقارالىق جارىستاردى وتكىزۋ مۇمكىندىگى دە قاراستىرىلادى.
ەكى ۇجىم اراسىنداعى ىنتىماقتاستىق جالپى العاندا وتاندىق جەڭىل اتلەتيكانى دامىتۋعا, جوعارى ناتيجەلى سپورتشىلاردى دايىنداۋعا جانە مامانداردىڭ بىلىكتىگىن ارتتىرۋعا باعىتتالعان.
مەموراندۋم اياسىنداعى العاشقى جارىستار 2026 جىلدىڭ ماۋسىم ايىنان باستاپ وتكىزىلەدى.