بۇگىندە قازاقستاندا 100-دەن استام ەتنوس وكىلدەرى تۇرادى. ەل اۋماعىندا 1000-نان استام ەتنومادەني بىرلەستىك پەن 4000-نان استام قوعامدىق قۇرىلىم جۇمىس ىستەيدى, دەپ جازادى Egemen.kz مادەنيەت جانە اقپارات مينيسترلىگىنە سىلتەمە جاساپ.
ولاردىڭ قاتارىندا ۆولونتەرلىك جانە جاستار ۇيىمدارى, مەدياتسيا ينستيتۋتتارى, عىلىمي-ساراپشىلىق قاۋىمداستىق پەن بۇقارالىق اقپارات قۇرالدارىنىڭ وكىلدەرى بار.
وسى اۋقىمدى جۇمىستى قولداۋ ماقساتىندا ينفراقۇرىلىمدى دامىتۋعا ەرەكشە ءمان بەرىلىپ وتىر. ماسەلەن, 2026 جىلى قىزىلوردا قالاسىندا جاڭا دوستىق ءۇيى اشىلدى. قازىرگى ۋاقىتتا ەلىمىزدە 36 دوستىق ءۇيى جۇمىس ىستەيدى. وندا ەتنومادەني بىرلەستىكتەردىڭ تولىققاندى قىزمەت جۇرگىزۋىنە بارلىق قاجەتتى جاعداي جاسالعان.
«العىس ايتۋ كۇنى اياسىندا رەسپۋبليكا بويىنشا 300-دەن استام ءىس-شارا ۇيىمداستىرىلدى. ولاردىڭ قاتارىندا «العىس ەستافەتاسى», سالتاناتتى كەزدەسۋلەر مەن قايىرىمدىلىق اكتسيالارى بار. نەگىزگى ءىس-شارالاردىڭ ءبىرى بەيبىتشىلىك جانە كەلىسىم سارايىندا وتكەن رەسپۋبليكالىق فورۋم بولدى», دەلىنگەن حابارلامادا.
ەتنومادەني بىرلەستىكتەر «تازا قازاقستان» جالپىۇلتتىق جوباسىن ىسكە اسىرۋعا دا بەلسەندى اتسالىسىپ كەلەدى. ولاردىڭ 300 مىڭنان استام وكىلى ەلىمىزدىڭ بارلىق وڭىرلەرىندە ەكولوگيالىق اكتسيالار مەن ءىس-شارالارعا تۇراقتى نەگىزدە قاتىسادى.