وڭتۇستىك كورەيا قازاقستانمەن جاساندى ينتەللەكت سالاسىنداعى تاجىريبەسىمەن ءبولىسىپ, مامان دايارلاۋعا قولداۋ كورسەتپەك, دەپ جازادى Egemen.kz.
سەۋل قالاسىندا كورەيانىڭ ۇلتتىق جاساندى ينتەللەكت زەرتتەۋ ورتالىعى مەن ەلىمىزدىڭ «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسشىلارى ءتيىستى مەموراندۋمعا قول قويدى. اتالعان قۇجات ەكى ەل اراسىنداعى ىنتىماقتاستىقتى نىعايتىپ, وزىق تەحنولوگيالاردى ەنگىزۋ مەن كادرلىق الەۋەتتى دامىتۋعا باعىتتالعان.
ايتا كەتەيىك, ەكى ۇيىم اراسىنداعى ارىپتەستىك وتكەن جىلى باستالعان. سول كەزدە كورەيالىق دەلەگاتسيا قازاقستانعا كەلىپ, استانا قالاسىنداعى حالىققا قىزمەت كورسەتۋ ورتالىقتارىنداعى مەملەكەتتىك قىزمەتتەردى تسيفرلاندىرۋ جانە اۆتوماتتاندىرۋ ۇدەرىستەرىمەن تانىستى.
جي جانە مەملەكەتتىك قىزمەتتەر: AlemGPT سەرۆيسىنىڭ مۇمكىندىكتەرى قانداي؟
ال قازاقستاندىق دەلەگاتسيانىڭ وڭتۇستىك كورەياعا ساپارى بارىسىندا ولارعا ۇلتتىق جاساندى ينتەللەكت زەرتتەۋ ورتالىعى مەن سەۋلدەگى جاساندى ينتەللەكت جانە «اقىلدى قالا» ورتالىعىنىڭ جۇمىسى تانىستىرىلدى.
«ازاماتتارعا ارنالعان ۇكىمەت» مەملەكەتتىك كورپوراتسياسى باسقارما توراعاسى ارمان كەنجەعاليەۆتىڭ ايتۋىنشا, قول قويىلعان مەموراندۋم جاساندى ينتەللەكتىنى دامىتۋ باعىتىنداعى ءوزارا ىقپالداستىقتى ارتتىرۋدى كوزدەيدى. ونىڭ ىشىندە تاجىريبە الماسۋ, AI-شەشىمدەردى ەنگىزۋ جانە سالا ماماندارىن دايارلاۋ ماسەلەلەرى قامتىلعان.
جي اگەنتتەرىنىڭ جاردەمى
سونىمەن بىرگە قازاقستاندا جاساندى ينتەللەكت تەحنولوگيالارىن ەنگىزۋ جۇمىستارى قازىردىڭ وزىندە قارقىندى جۇرگىزىلىپ جاتىر. ماسەلەن, 1414 بىرىڭعاي بايلانىس ورتالىعىندا AI-كەڭەسشى جۇمىس ىستەيدى. قازىرگى تاڭدا ول ءاربىر بەسىنشى قوڭىراۋدى دەربەس تۇردە وڭدەۋگە قابىلەتتى.
جي كومەگىمەن جاڭارعان مۇرا: ەجەلگى پەتروگليفتەر كورمەگە قويىلادى