2026 جىلعى 28 ناۋرىز كۇنى شامامەن ساعات 20:32-دە «102» قىزمەتىنە اق-وردو تۇرعىن الابىندا بەلگىسىز ءبىر ەر ادامنىڭ بالالارعا كامپيت تاراتىپ جۇرگەنى, كەيىن سول ولاردىڭ ىشىنەن ينە سىنىقتارى تابىلعانى تۋرالى حابار ءتۇستى. بۇل دەرەك بويىنشا سوتقا دەيىنگى تەكسەرۋ جۇمىستارى باستالدى, دەپ حابارلايدى Egemen.kz.
تەكسەرۋ بارىسىندا اق-وردو تۇرعىن الابىنىڭ تۇرعىنى ب.گ. ەسىمدى ازاماتشا ارىز ءتۇسىرىپ, 2015 جىلى تۋعان قىزى مەن باسقا دا بالالارعا بەلگىسىز ەر ادامنىڭ بەرگەن كامپيتتەرىنەن ينە تابىلعانىن حابارلاعان.
اتالعان دەرەك بويىنشا بىشكەك قالاسىنىڭ لەنين اۋداندىق ءىىب تەرگەۋ قىزمەتى قىلمىستىق ءىس قوزعاپ, ءتيىستى ساراپتامالار تاعايىندادى.
ەۋرازيالىق ۇكىمەتارالىق كەڭەستىڭ كەلەسى وتىرىسى قىرعىزستاندا وتەدى
جۇرگىزىلگەن جەدەل-ىزدەستىرۋ جانە تەرگەۋ جۇمىستارىنىڭ ناتيجەسىندە پوليتسيا قىزمەتكەرلەرى كۇدىكتىنىڭ جەكە باسىن انىقتاپ, تەرگەۋ قىزمەتىنە جەتكىزىلدى. قىرعىز رەسپۋبليكاسىنىڭ قىلمىستىق-پروتسەستىك كودەكسىنىڭ 96-بابىنا سايكەس, ول بىشكەك قالالىق ءىىب-ءنىڭ ۋاقىتشا ۇستاۋ يزولياتورىنا قامالدى.
ونىڭ تۇرعىلىقتى مەكەنجايىندا جۇرگىزىلگەن ءتىنتۋ كەزىندە كامپيتتەر مەن باسقا دا زاتتاي دالەلدەر تاركىلەندى.
قىرعىزستان پرەزيدەنتى تاشيەۆتى نەلىكتەن قىزمەتتەن العانىن ءتۇسىندىردى
قازىرگى ۋاقىتتا تەرگەۋ امالدارى جالعاسىپ جاتىر.