قازاقستاندا ءبىرىنشى سىنىپقا قۇجات قابىلداۋ مەرزىمى وزگەرتىلدى, ەندى ناۋقان 1 ساۋىردە ەمەس, 27 مامىردا باستالادى. سونىمەن قاتار, تسيفرلىق جۇيەلەردىڭ تۇراقتى جۇمىسىن قامتاماسىز ەتۋ ءۇشىن وڭىرلەر بويىنشا ارنايى كەستە ەنگىزىلدى. ماسەلەن, قاراعاندى وبلىسىندا قۇجاتتار 29 ماۋسىم مەن 31 تامىز ارالىعىندا جۇمىس كۇندەرى قابىلدانادى, دەپ حابارلايدى Egemen.kz.
قازاقستان ازاماتتارى ءۇشىن:
اتا-اناسىنىڭ نەمەسە زاڭدى وكىلىنىڭ ءوتىنىشى; بالانىڭ تۋ تۋرالى كۋالىگىنىڭ كوشىرمەسى; مەديتسينالىق قۇجاتتار (دەنساۋلىق پاسپورتى 026/ۋ-3 جانە ەكپە كارتاسى 065/ۋ); 3×4 سم ولشەمىندەگى ەكى فوتوسۋرەت.مەكتەپالدى دايارلىقتان وتكەن جانە سول ءبىلىم بەرۋ ۇيىمىندا وقۋدى جالعاستىراتىن بالالار ءبىرىنشى سىنىپقا اۆتوماتتى تۇردە قابىلدانادى. بۇل اتا-انالار ءۇشىن ءراسىمدى جەڭىلدەتەدى جانە قۇجاتتاردى قايتا جيناۋ قاجەتتىلىگىن جويادى. دەگەنمەن, اتا-انالار باسقا مەكتەپتى تاڭداۋعا قۇقىلى, مۇنداي جاعدايدا قۇجاتتار جالپى تارتىپپەن تاپسىرىلادى.
1-سىنىپقا قۇجات قابىلداۋ ۋاقىتى وزگەردى
شەتەل ازاماتتارى ءۇشىن:
شەتەل ازاماتتارىنا دا نەگىزگى تالاپتار ورتاق, الايدا قازاقستان اۋماعىندا زاڭدى تۇرۋ قۇجاتى بولۋى مىندەتتى.
اتا-اناسىنىڭ ءوتىنىشى; بالانىڭ تۋ تۋرالى كۋالىگىنىڭ كوشىرمەسى; مەديتسينالىق انىقتاما; 3×4 سم فوتوسۋرەتتەر; قازاقستاندا زاڭدى تۇراتىنىن راستايتىن قۇجات (ىقتيارحات, ۋاقىتشا تۇرۋعا رۇقسات, بوسقىن نەمەسە قانداس كۋالىگى جانە ت.ب.); جەكە باسىن كۋالاندىراتىن قۇجات جانە كوشى-قون كارتاسى.شەتەلدەن كەلگەن بالالار مەكتەپكە ولاردىڭ ءبىلىم دەڭگەيى ەسكەرىلە وتىرىپ قابىلدانادى. قۇجاتتار تولىق بولماعان جاعدايدا, شەشىمدى ارنايى كوميسسيا قابىلدايدى.
بالانى 1-سىنىپقا قالاي دايارلايمىز؟
قوسىمشا سۇراقتار بويىنشا (8-7212) 50-45-25 نومىرىنە حابارلاسۋعا بولادى.