الماتى وبلىسىندا بۇگىندە 41 تەحنيكالىق جانە كاسىپتىك ءبىلىم ۇيىمى جۇمىس ىستەيدى, ونىڭ 18-ىندە جوبالىق قۋاتتىلىعى 4 744 ورىنعا ارنالعان جاتاقحانا بار. جاقىندا ەڭبەكشىقازاق اۋدانىنداعى ەسىك گۋمانيتارلىق-ەكونوميكالىق كوللەدجىندە جاڭا جاتاقحانا پايدالانۋعا بەرىلىپ, ستۋدەنتتەردى قۋانىشقا كەنەلتتى.
ىرگەتاسى قالانعانىنا 60 جىل تولعان وقۋ ورنىنداعى ايتۋلى ءىس-شاراعا ءوڭىر باسشىسى مارات سۇلتانعازيەۆ قاتىسىپ, جىلى لەبىزىن ءبىلدىردى.
«مەملەكەت باسشىسى قاسىم-جومارت توقاەۆ «ستۋدەنتتەردى جاتاقحانامەن قامتاماسىز ەتۋ – ۇكىمەت پەن اكىمدەردىڭ باستى مىندەتتەرىنىڭ ءبىرى. جاستارعا ساپالى ءبىلىم الۋ ءۇشىن قولايلى جاعداي جاساۋىمىز كەرەك», دەپ اتاپ وتكەن بولاتىن. بۇگىنگى اشىلىپ وتىرعان زاماناۋي عيمارات – وسى باعىتتاعى جۇيەلى جۇمىستىڭ ناقتى ناتيجەسى. جاتاقحانا تەك جاتىن ورىن ەمەس, بۇل – جاستاردىڭ الاڭسىز ءبىلىم الىپ, شىعارماشىلىقپەن اينالىسۋىنا ارنالعان زاماناۋي ورتا. مۇندا شالعاي اۋدان, اۋىلداردان كەلگەن جاستار جايعاسىپ, الاڭسىز ءبىلىم الىپ, ماماندىق مەڭگەرەدى. ستۋدەنتتەردى جاتاقحانامەن قامتاماسىز ەتۋ ماقساتىندا 2023 جىلى وڭىردە جالپى قۇنى 6,0 ملرد تەڭگەنى قۇرايتىن 711 ورىندى 4 جاتاقحانا قۇرىلىسى باستالعان بولاتىن. وسى جىلى تاعى 3 كوللەدجدىڭ جاتاقحاناسى پايدالانۋعا بەرىلەدى. اتاپ ايتساق, تالعار اگروبيزنەس جانە مەنەدجمەنت كوللەدجىنىڭ 111 ورىندىق جاتاقحاناسىن قايتادان جاڭعىرتۋ جۇمىسىنا 800 ملن تەڭگە ءبولىنىپ, جاقىندا پايدالانۋعا بەرۋ جوسپارلانسا, الماتى وبلىسىنىڭ قىزمەت كورسەتۋ جانە تاماقتاندىرۋ سالاسىنداعى يننوۆاتسيالىق تەحنولوگيالار كوللەدجىنىڭ 200 ورىندىق جاتاقحاناسى مەن تالعار پوليتەحنيكالىق كوللەدجىنىڭ ستۋدەنتتەرىنە ارنالعان 200 ورىندىق جاتاقحانا قۇرىلىسىنا ارقايسىسىنا 1,9 ملرد تەڭگەدەن قاراجات ءبولىنىپ, قۇرىلىس جۇمىسى جۇرگىزىلىپ جاتىر. بۇل ءوز كەزەگىندە كوللەدج ستۋدەنتتەرىنىڭ تۇرمىسىن جاقسارتۋعا تىكەلەي ىقپال ەتپەك», دەگەن وبلىس اكىمى قوناقتاردى قۋانىشتارىمەن قۇتتىقتاپ, ستۋدەنتتەر ءۇيىنىڭ كىلتىن كوللەدج ديرەكتورى الماس جىلقىباەۆقا سالتاناتتى تۇردە تابىس ەتتى.
ءىس-شارا بارىسىندا اقجاۋلىقتى انالار مەن ۇستازدار اقجارما تىلەكتەرىن اعىتىپ, مەملەكەت تاراپىنان جاسالىپ جاتقان يگى ىستەرگە ءدان ريزاشىلىقتارىن ءبىلدىردى.
سونىمەن ستۋدەنتتەرگە ەسىگىن ايقارا اشقان 5 قاباتتى جاتاقحانا 200 ورىنعا ارنالعان. ءار سەكتسيادا 2 جانە 3 ورىندى جاتىن بولمە, ورتاق اس بولمە, جۋىناتىن ورىن بار. سونداي-اق جاتاقحانادا 8 وقۋ زالى ورنالاسقان, ولار تەلەديدارمەن قامتىلعان. زاماناۋي ۇلگىدەگى جاتاقحانادا جاستارعا كەرەكتىڭ ءبارى بار. ءار قاباتتا كىر جۋىپ, كيىم ۇتىكتەۋ سىندى تۇرمىستىق قاجەتتىلىگىن اتقاراتىن ارنايى بولمەلەرمەن قاتار, دەنە شىنىقتىرۋعا ارنالعان ترەناجەرلىك زال جابدىقتالعان. جوعارى جىلدامدىقتى ينتەرنەت جەلىسى دە ىسكە قوسىلعان.
ەسىك گۋمانيتارلىق-ەكونوميكالىق كوللەدجىندە وسى كۇنى 1 400-دەن استام ستۋدەنت وقيدى. ولاردىڭ 400-دەن استامى ءبىلىم شاڭىراعىنىڭ ەسكى جاتاقحاناسىندا تۇرادى.
الماتى وبلىسى