يراننىڭ يسلام رەۆوليۋتسياسى ساقشىلار كورپۋسى (كسير) تاياۋ شىعىستا ورنالاسقان امەريكالىق ءىرى IT جانە جاساندى ينتەللەكت كومپانيالارىنىڭ نىساندارىنا سوققى جاساۋى مۇمكىن ەكەنىن ايتتى, دەپ حابارلايدى Egemen.kz.
يسلام رەۆوليۋتسياسى ساقشىلارى كورپۋسىنىڭ مالىمدەمەسىندە اقش-تىڭ اقپاراتتىق-كوممۋنيكاتسيالىق تەحنولوگيالار جانە جاساندى ينتەللەكت سالاسىندا جۇمىس ىستەيتىن كومپانيالارى ءتۇرلى شابۋىلداردى جوسپارلاۋ مەن نىسانالاردى انىقتاۋعا قاتىسادى دەپ كورسەتىلگەن. وسىعان بايلانىستى يران تاراپى ولاردى «جاۋاپ سوققىسىنىڭ زاڭدى نىساناسى» رەتىندە قاراستىراتىنىن ەسكەرتتى.
Tasnim اگەنتتىگىنىڭ مالىمەتىنشە, ىقتيمال نىساندار قاتارىندا Microsoft, Apple, Google, Meta سياقتى الپاۋىتتارمەن بىرگە Cisco, HP, Intel, Oracle, Nvidia, Tesla جانە Boeing كومپانيالارى دا اتالعان. بۇل كومپانيالاردىڭ تاياۋ شىعىستاعى كەڭسەلەرى مەن ينفراقۇرىلىمدارى قاۋىپ ايماعىندا بولۋى مۇمكىن.
يران اقش-پەن كەلىسسوزدەر جۇرگىزىلىپ جاتقانىن جوققا شىعاردى
سونداي-اق, يسلام رەۆوليۋتسياسى ساقشىلارى كورپۋسى وڭىردەگى وسى كومپانيالاردا جۇمىس ىستەيتىن قىزمەتكەرلەرگە قاۋىپسىزدىك ماقساتىندا جۇمىس ورىندارىن ۋاقىتشا بوساتۋدى ۇسىندى.
ايتا كەتەيىك, بۇگىن يران دۋباي ماڭىندا مۇناي تانكەرىنە شابۋىل جاساعان ەدى. وسى تۇستا اقش پرەزيدەنتى دونالد ترامپ ەگەر يران ورمۇز بۇعازىن اشپاسا, امەريكا ونىڭ ەنەرگەتيكالىق نىساندارى مەن مۇناي كەن ورىندارىن جەرمەن-جەكسەن ەتەتىنىن مالىمدەدى.