قۇجاتتاردى ۇيگە جەتكىزۋ قىزمەتى دايىن قۇجاتتاردى حقكو-عا قايتا بارماي-اق الۋعا مۇمكىندىك بەرەدى جانە بۇگىندە قازاقستاننىڭ بارلىق وڭىرىندە قولجەتىمدى. 2026 جىلى بۇل قىزمەتكە سۇرانىس ارتىپ كەلەدى - العاشقى ءۇش ايدا 426 جەتكىزۋ راسىمدەلگەنىن «ازاماتتارعا ارنالعان ۇكىمەت» مەملەكەتتىك كورپوراتسياسى حابارلادى.
قىزمەتتى ءوتىنىش بەرۋ كەزىندە بىردەن راسىمدەۋگە بولادى. قۇجات دايىن بولعان سوڭ ول كورسەتىلگەن مەكەنجايعا جەتكىزىلەدى. بۇل ۋاقىتىن ۇنەمدەگىسى كەلەتىن نەمەسە ورتالىققا ءوزى بارا المايتىن ازاماتتار ءۇشىن وتە ىڭعايلى.
جەتكىزۋدى ءوتىنىش بەرۋ كەزىندە بىردەن راسىمدەۋگە بولادى. ول ءۇشىن مەكەنجايدى كورسەتىپ, قىزمەت اقىسىن تولەۋ جەتكىلىكتى. قۇجات دايىن بولعان سوڭ كۋرەر قىزمەت الۋشىمەن بايلانىسىپ, سول كۇنى جەتكىزىپ بەرەدى. قۇجاتتى الۋ كەزىندە جەكە كۋالىك پەن راستاۋ كودى تەكسەرىلەدى
ايتا كەتۋ كەرەك, كۋرەرلىك جەتكىزۋ 15 مەملەكەتتىك قىزمەتتى قامتيدى. ونىڭ ىشىندە تۋ, نەكە, اجىراسۋ جانە قايتىس بولۋ تۋرالى قايتالاما كۋالىكتەر, ارحيۆتىك انىقتامالار مەن ءبىلىم تۋرالى قۇجاتتاردىڭ تەلنۇسقالارى, سونداي-اق اپوستيل قويۋ جانە ازاماتتىق حال اكتىلەرى جازبالارىن قالپىنا كەلتىرۋ بار.
قىزمەت قۇنى وڭىرگە بايلانىستى: الماتى, استانا جانە شىمكەنت قالالارىندا جەتكىزۋ باعاسى 2061 تەڭگە بولسا, باسقا وڭىرلەردە - 1036 تەڭگە.
بۇل رەتتە قۇجاتتى جەتكىزۋ پروتسەسىن «تسون» ءموبيلدى قوسىمشاسى ارقىلى باقىلاۋعا بولادى. بۇل قۇجاتتىڭ قاي كەزەڭدە ەكەنىن ارتىق قوڭىراۋلارسىز بىلۋگە مۇمكىندىك بەرەدى.
ازاماتتارعا قولايلى جاعداي جاساۋ ماقساتىندا بۇل قىزمەت 2024 جىلى ىسكە قوسىلىپ, قۇجاتتاردى الۋ پروتسەسىن جەڭىلدەتۋگە, ۋاقىتتى ۇنەمدەۋگە جانە حقكو-عا قايتا بارۋ قاجەتتىلىگىن ازايتۋعا باعىتتالعان.