دەنساۋلىق ساقتاۋ سالاسىنداعى سەرپىن: ەلىمىزدە نارەستە ءولىمى ايتارلىقتاي تومەندەدى

ونىڭ ايتۋىنشا, ەلدە نەوناتالدىق ءولىم كورسەتكىشى ءار 100 مىڭ نارەستەگە شاققاندا 3,9-دى قۇرايدى. بۇل ناتيجەگە دەنساۋلىق ساقتاۋ سالاسىنداعى جۇيەلى جۇمىس پەن جاڭا تاسىلدەردىڭ ەنگىزىلۋى اسەر ەتكەن.

اتاپ ايتقاندا, قازاقستاندا پاتروناجدىق باقىلاۋدىڭ امبەباپ پروگرەسسيۆتى مودەلى ء(اپپم) دامىپ كەلەدى. بۇل جۇيە جۇكتى ايەلدەر مەن جاس بالاسى بار وتباسىلارعا مەديتسينالىق قىزمەتكەرلەردىڭ ۇيگە بارىپ, تۇراقتى تۇردە باقىلاۋ جۇرگىزۋىن قامتيدى. سونىڭ ارقاسىندا دارىگەرلەر دەنساۋلىق جاعدايىن ەرتە كەزەڭدە قاداعالاپ, اۋرۋ قاۋپىن جانە الەۋمەتتىك فاكتورلاردى دەر كەزىندە انىقتاي الادى. سونىمەن قاتار اتا-انالارعا بالا كۇتىمى, دۇرىس تاماقتاندىرۋ جانە دامۋ ماسەلەلەرى بويىنشا كەڭەس بەرىلەدى.

ەلىمىزدە نارەستە ءولىمى 28,5%-عا ازايدى

وتباسىنىڭ جاعدايىنا قاراي باقىلاۋ دەڭگەيى ءارتۇرلى بولادى, بۇل اسىرەسە حالقى سيرەك قونىستانعان وڭىرلەردە مەديتسينالىق كومەكتىڭ قولجەتىمدىلىگىن ارتتىرۋعا مۇمكىندىك بەرەدى.

بىرلەسكەن ەسەپكە سايكەس (دۇنيەجۇزىلىك دەنساۋلىق ساقتاۋ ۇيىمى, بىرىككەن ۇلتتار ۇيىمى جانە باسقا دا حالىقارالىق ۇيىمدار), 2024 جىلى قازاقستانداعى كورسەتكىش 3,9 دەڭگەيىندە بولىپ, ايماقتاعى ەڭ تومەن ناتيجە رەتىندە تىركەلگەن. بۇل كورسەتكىش اقش دەڭگەيىنە (3,7) جاقىن.

مامانداردىڭ ايتۋىنشا, انا مەن بالا ءولىمىن ازايتۋ – اسىرەسە حالقى شاشىراڭقى ورنالاسقان ەلدەر ءۇشىن كۇردەلى مىندەت. دەگەنمەن قازاقستان بۇل باعىتتا تۇراقتى ناتيجەلەر كورسەتىپ, باسقا مەملەكەتتەرگە ۇلگى بولا الادى.

پوليتسيا قىزمەتكەرى ءۇش ايلىق نارەستەسى بار وتباسىنى ءوز ۇيىندە پانالاتتى

ايتا كەتەيىك, بۇعان دەيىن يۋنيسەف الەمدە بالالار ءولىمىن ازايتۋ قارقىنى باياۋلاعانىن دا حابارلاعان بولاتىن.