الەۋمەتتىك جەلىلەر مەن بەينەحوستينگتەردە تارالعان زەينەتاقى تولەمدەرىنەن 20% ۇستاپ قالۋ تۋرالى مالىمەت شىندىققا سايكەسپەيدى. اتالعان اقپاراتتى رەسمي ورگاندار جوققا شىعارىپ, ونىڭ جالعان ەكەنىن مالىمدەدى, دەپ جازادى Egemen.kz.
بەلگىلى بولعانداي, بەلگىسىز تۇلعالار deepfake تەحنولوگياسىن پايدالانىپ, ىنتىماقتى زەينەتاقى تولەمدەرى 20%-عا قىسقارتىلادى دەگەن مازمۇنداعى جالعان بەينەروليكتەر تاراتقان. ماماندار مۇنداي ارەكەتتەر ازاماتتاردى ادەيى اداستىرۋعا باعىتتالعانىن اتاپ وتەدى.
ەسكە سالايىق, 2026 جىلدىڭ 1 قاڭتارىنان باستاپ كەرىسىنشە بازالىق جانە ىنتىماقتى زەينەتاقى مولشەرى 10%-عا ۇلعايتىلدى. بۇل ءوسىم ۇلتتىق بانك بەلگىلەگەن ينفلياتسيانىڭ بولجامدى دەڭگەيىنە سايكەس جۇرگىزىلگەن.
ەندى ازاماتتار زەينەتاقى اكتيۆتەرىن ينتەرنەت-پلاتفورما ارقىلى باقىلاي الادى
سونىمەن قاتار مەملەكەت باسشىسىنىڭ تاپسىرماسىنا سايكەس, 2023 جىلدان بەرى 5 جىل ىشىندە كەزەڭ-كەزەڭىمەن ەڭ تومەنگى بازالىق زەينەتاقىنى ەڭ تومەن كۇنكورىس دەڭگەيىنىڭ 70%-ىنا دەيىن, ال ەڭ جوعارى مولشەرىن 120%-ىنا دەيىن ارتتىرۋ قاراستىرىلعان.
وسى وزگەرىستەر ناتيجەسىندە, بيىلعى 1 قاڭتاردان باستاپ بازالىق زەينەتاقىنىڭ ەڭ تومەنگى مولشەرى 35 596 تەڭگە (كۇنكورىس دەڭگەيىنىڭ 70%-ى), ال ەڭ جوعارى مولشەرى 60 005 تەڭگەگە جەتتى. بۇل كورسەتكىش كۇنكورىس دەڭگەيىنىڭ 110%-ىنان 118%-ىنا دەيىن ۇلعايتىلدى.
اسحات ايماعامبەتوۆ زەينەتاقى قاراجاتىن باسقارۋعا قاتىستى تۇزەتۋلەردى ءتۇسىندىردى
قۇزىرلى ورگاندار ازاماتتاردى تەك رەسمي اقپارات كوزدەرىنە سەنۋگە شاقىرادى. سونداي-اق قاساقانا جالعان اقپارات تاراتقانى ءۇشىن زاڭناماعا سايكەس جاۋاپكەرشىلىك قاراستىرىلعانىن ەسكەرتەدى.
زەينەتاقى جيناعىن مەرزىمىنەن بۇرىن الۋ قيىندايدى