سيان قالاسىندا قازاقستان رەسپۋبليكاسىنىڭ باس كونسۋلدىعىنىڭ قولداۋىمەن ۇلىتاۋ وبلىسى مەن شەنسي پروۆينتسياسى اراسىنداعى ساۋدا-ەكونوميكالىق ىنتىماقتاستىق فورۋمى ءوتتى. جوعارى دەڭگەيدەگى كەلىسسوزدەر جۇرگىزۋ – ءوزارا تۇسىنىستىك تۋرالى مەموراندۋمدارعا قول قويۋ جانە ەكى جاقتىڭ ستراتەگيالىق سەرىكتەستىگىن نىعايتۋعا باعىتتالعان, دەپ جازادى Egemen.kz.
ءىس-شاراعا ۇلىتاۋ وبلىسىنىڭ اكىمى داستان رىسپەكوۆ, مەملەكەتتىك ورگاندار وكىلدەرىنەن قۇرالعان ۇلىتاۋ وبلىسىنىڭ دەلەگاتسياسى, سونداي-اق قىتايلىق جانە وتاندىق كومپانيالاردان 100-گە جۋىق وكىل قاتىستى.
فورۋم اياسىندا ۇلىتاۋ وبلىسىنىڭ ينۆەستيتسيالىق الەۋەتى, ىنتىماقتاستىقتىڭ نەگىزگى باعىتتارى جانە ءوڭىردىڭ پەرسپەكتيۆالى ينۆەستيتسيالىق جوبالارى تانىستىرىلدى. ونەركاسىپتى, تۇرعىن ءۇي-كوممۋنالدىق ينفراقۇرىلىمدى جانە اگروونەركاسىپتىك كەشەندى دامىتۋعا ەرەكشە نازار اۋدارىلدى. سونداي-اق, G2B جانە B2B فورماتتارىندا كەزدەسۋلەر ءوتتى.
ۇلىتاۋ وبلىسىندا ءباس تىككەن شەنەۋنىكتەر جۇمىسىنان بوساتىلدى
فورۋم قورىتىندىسى بويىنشا جالپى قۇنى 12,5 ميلليارد تەڭگەنى قۇرايتىن ىنتىماقتاستىق تۋرالى التى مەموراندۋمعا قول قويىلدى.
ۇلىتاۋ وبلىسىندا سۋ تاسقىنى قاۋپى بار اۋداندار تەكسەرىلدى
قۇجات كەلەسى باعىتتار بويىنشا بىرلەسكەن جوبالاردى ىسكە اسىرۋدى كوزدەيدى:
جەزقازعان, ساتباەۆ جانە قاراجال قالالارىنداعى تۇرعىن ۇيلەردى قايتا جاڭعىرتۋ;
مەتاللۋرگيالىق شلاكتاردى قايتا وڭدەۋ;
ءسۇت-تاۋار فەرماسىن سالۋ.
ۇلىتاۋ وبلىسىنىڭ اكىمى: ء«بىز ينۆەستورلار ءۇشىن قولايلى جاعداي جاساۋعا دايىنبىز. بۇگىننىڭ وزىندە بىرقاتار كومپانيا ۇلىتاۋ وبلىسى اۋماعىندا ينۆەستيتسيالىق جوبالاردى ىسكە اسىرۋعا دايىن», دەپ ءوڭىردىڭ جوعارى ينۆەستيتسيالىق الەۋەتىن جانە حالىقارالىق ىنتىماقتاستىققا اشىقتىعىن اتاپ ءوتتى.
ۇلىتاۋ وبلىسى