قازاقستاننىڭ بىرقاتار وڭىرىندە قار كوشكىنى قاۋپى ءالى دە جوعارى. اتاپ ايتقاندا, تۇركىستان جانە جامبىل وبلىستارىنىڭ بيىك تاۋلى ايماقتارىندا, سونداي-اق الماتى قالاسى مەن الماتى, شىعىس قازاقستان جانە جەتىسۋ وبلىستارىنىڭ تاۋلى وڭىرلەرىندە قار كوشكىنىنىڭ وزدىگىنەن ءتۇسۋ ىقتيمالدىعى بار, دەپ حابارلايدى Egemen.kz.
توتەنشە جاعدايلار مينيسترلىگى تۇرعىندارعا قار باسقان تىك بەتكەيلەرگە بارماۋعا كەڭەس بەرەدى, سەبەبى بۇل كوشكىننىڭ جۇرۋىنە سەبەپ بولۋى مۇمكىن.
قار كوشكىنى جاعدايىن باقىلاۋ ماقساتىندا «قازسەلدەنقورعاۋ» ماماندارى قاۋىپتى اۋماقتاردى تۇراقتى تۇردە تەكسەرىپ, مونيتورينگ جۇرگىزىپ تۇرادى. قاۋىپتى ايماقتارعا 110 ەسكەرتۋ بەلگىسى ورناتىلعان.
2025-2026 جىلدارداعى كوشكىن ماۋسىمى باستالعالى بەرى الماتى, الماتى وبلىسى, جامبىل جانە شىعىس قازاقستان وبلىستارىندا جالپى كولەمى 175 600 تەكشە مەتر بولاتىن 66 وزدىگىنەن بولعان قار كوشكىنى تىركەلگەن. حالىق قاۋىپسىزدىگىن قامتاماسىز ەتۋ ءۇشىن جالپى كولەمى 113 246 تەكشە مەتر بولاتىن 99 پروفيلاكتيكالىق كوشكىن ءتۇسىرۋ جۇمىسى جۇرگىزىلگەن.
قازاقستاننىڭ ءۇش قالاسىندا اۋا ساپاسى ناشارلايدى
تجم ەسكەرتۋ جاريالانعان كەزدە تاۋلى ايماقتارعا بارۋدان ۋاقىتشا باس تارتۋدى ۇسىنادى.