حالىقارالىق وليمپيادالىق كوميتەت (حوك) ايەلدەر جارىستارىنا تەك بيولوگيالىق ايەلدەردىڭ قاتىسۋىنا رۇقسات بەرەتىن جاڭا ساياسات ەنگىزگەنىن حابارلادى, دەپ جازادى Egemen.kz.
ۇيىمنىڭ رەسمي سايتىندا جاريالانعان اقپاراتقا سايكەس, وليمپيادا ويىندارىندا ترانسگەندەر سپورتشىلاردىڭ ايەلدەر جارىستارىنا قاتىسۋىنا تىيىم سالىنادى. قاتىسۋ قۇقىعى SRY گەنىنە سكرينينگ جۇرگىزۋ ارقىلى انىقتالادى, بۇل گەن ايەلدەردە بولمايدى. تەست تەك ءبىر رەت وتكىزىلەدى, قايتا تاپسىرۋدىڭ قاجەتى جوق.
«مەن بۇرىنعى سپورتشى رەتىندە بارلىق وليمپيادا قاتىسۋشىلارىنىڭ ءادىل جارىستارعا قاتىسۋىن قولدايمىن. ءبىز جاريالاعان ساياسات عىلىمي دەرەكتەرگە نەگىزدەلگەن جانە مەديتسينالىق ساراپشىلارمەن ازىرلەنگەن. وليمپيادادا ەڭ از ايىرماشىلىق تا ناتيجەنى شەشۋى مۇمكىن. سوندىقتان بيولوگيالىق ەرلەردىڭ ايەلدەر كاتەگورياسىندا جارىسۋى ادىلەتسىز بولار ەدى. كەيبىر سپورت تۇرلەرىندە بۇل ءتىپتى قاۋىپتى», دەدى حوك پرەزيدەنتى كيرستي كوۆەنتري.
جاڭارتىلعان ساياسات 2028 جىلعى جازعى وليمپيادا ويىندارىندا لوس-اندجەلەستە كۇشىنە ەنەدى.
ترانسگەندەرلىك جانجال: اقىرى نە بولاتىنى ازىرشە بەلگىسىز
ايتا كەتەيىك, 2025 جىلعى اقپاندا اقش پرەزيدەنتى دونالد ترامپ ترانسگەندەر ايەلدەردىڭ تسيسگەندەر ايەلدەرمەن جارىسۋىنا تىيىم سالعان بولاتىن. بۇعان دەيىن ول زاڭ جۇزىندە تەك ەكى جىنىستى مويىنداعان.
اقش ۇكىمەتىنە ترانسگەندەر ۆيتسە-مينيستر كەلدى