استانادا 9-11 (12) سىنىپ وقۋشىلارى اراسىندا فيزيكا جانە بيولوگيا پاندەرى بويىنشا وتكەن رەسپۋبليكالىق وليمپيادانىڭ جەڭىمپازدارى انىقتالىپ, ۇزدىكتەرگە قۇرمەت كورسەتىلدى. سالتاناتتى شاراعا وقۋ-اعارتۋ ءمينيسترى جۇلدىز سۇلەيمەنوۆا قاتىسىپ, جەڭىمپازدارعا التىن مەدال تابىستادى, دەپ جازادى Egemen.kz.
تانىم كوپبەيىندى كەشەنىندە وتكەن قورىتىندى كەزەڭگە ەلىمىزدىڭ بارلىق وڭىرىنەن 300-دەن استام وقۋشى قاتىسىپ, ءوزارا باق سىنادى. مينيستر ءوز سوزىندە ءبىلىم مەن عىلىمنىڭ ماڭىزىن اتاپ ءوتىپ, وليمپيادانىڭ ەكى ماڭىزدى وقيعامەن تۇسپا-تۇس كەلگەنىن جەتكىزدى.
«بيىل ەلىمىزدە جاڭا كونستيتۋتسيا كۇشىنە ەنىپ, دامۋىمىزدىڭ جاڭا كەزەڭى باستالدى. سونىمەن قاتار بۇل دودا ناۋرىز مەيرامىمەن قاتار كەلىپ وتىر. رەسپۋبليكالىق وليمپيادا جاستار ءۇشىن جاڭا مۇمكىندىكتەر الاڭىنا اينالدى. مەملەكەت باسشىسى قاسىم-جومارت توقاەۆ ءبىلىمدى جاستارعا ۇلكەن سەنىم ارتادى. حالىقارالىق جۇلدەگەرلەر مەن ولاردىڭ ۇستازدارىنا بىرجولعى قارجىلاي سىياقى قاراستىرىلعان», دەدى جۇلدىز سۇلەيمەنوۆا.
وليمپيادانىڭ باستى ماقساتى – دارىندى وقۋشىلاردى انىقتاۋ, ولاردىڭ عىلىمي الەۋەتىن دامىتۋ جانە حالىقارالىق جارىستارعا قاتىساتىن ۇلتتىق قۇرامانى قالىپتاستىرۋ.
قازاقستاندىق وقۋشىلار حالىقارالىق وليمپيادادا ەكى جۇلدە جەڭىپ الدى
بيىل جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ قورىتىندى كەزەڭىنە 360 مىڭنان استام وقۋشى قاتىسقان. سونىڭ ىشىندە 1 636 وقۋشى رەسپۋبليكالىق كەزەڭگە جولداما العان. جاراتىلىستانۋ-ماتەماتيكا باعىتى بويىنشا 930, ال قوعامدىق-گۋمانيتارلىق باعىتتا 706 وقۋشى باق سىنادى. سونداي-اق اۋىل مەكتەپتەرى اراسىندا وتكەن وليمپيادادا 73 جەڭىمپاز انىقتالدى.
جالپى, قاتىسۋشىلاردىڭ 45% جۇلدەلى ورىندارعا يە بولىپ, ءى, ءىى جانە ءىىى دارەجەلى ديپلومدارمەن, سونداي-اق التىن, كۇمىس جانە قولا مەدالدارمەن ماراپاتتالادى.
وقۋشىلار حالىقارالىق روبوتوتەحنيكا چەمپيوناتىندا توپ جاردى