يران يسلام رەسپۋبليكاسىنىڭ پرەزيدەنتى ورازا ايت پەن ناۋرىز مەيرامدارىنا وراي قازاقستان پرەزيدەنتىنىڭ اتىنا قۇتتىقتاۋ جەدەلحاتتارىن جولدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ماسۋد پەزەشكيان قۇتتىقتاۋىندا مەيىرىم مەن بەرەكەگە تولى وسى قاستەرلى كۇندەرى مۇسىلمان ەلدەرى اراسىنداعى تاتۋلىق نىعايىپ, ءوزارا ىقپالداستىقتىڭ تەرەڭدەۋىنە سەپتىگىن تيگىزەتىنىنە سەنىم ءبىلدىردى.
ءوز كەزەگىندە مەملەكەت باسشىسى قاسىم-جومارت توقاەۆ تاياۋ شىعىستا تۇراقتىلىق ورناۋىنا جانە باۋىرلاس حالىقتاردىڭ ىنتىماعى بەكي تۇسۋىنە تىلەكتەس ەكەنىن ايتتى.
پرەزيدەنت قاسيەتتى ورازا ايت پەن ءاز-ناۋرىزدىڭ جاڭارۋ رۋحى يران حالقىنا بەيبىتشىلىك جانە باق-بەرەكە اكەلسىن دەگەن تىلەگىن جەتكىزدى.
پرەزيدەنتتىڭ اتىنا ناۋرىز مەرەكەسىنە وراي قۇتتىقتاۋ جەدەلحاتتارى كەلىپ ءتۇستى