ۆيتسە-پرەمەر: الەۋمەتتىك ساياساتتىڭ وزەگى – ادامي كاپيتال

جاڭا كونستيتۋتسيا ءار ازاماتتىڭ ەڭبەك ەتۋ قۇقىعىن ناقتى بەكىتىپ, ونى جۇزەگە اسىرۋعا قاجەتتى جاعداي جاساۋدى مەملەكەتتىڭ مىندەتى رەتىندە ايقىنداپ وتىر. وسىعان ساي ەڭبەك زاڭناماسى دا زامان تالابىنا يكەمدەلمەك. اسىرەسە تسيفرلىق ەكونوميكانىڭ قارقىن الۋىنا بايلانىستى قاشىقتان جۇمىس ىستەۋ, پلاتفورمالىق جۇمىسپەن قامتۋ سەكىلدى جاڭا ەڭبەك نىساندارى قۇقىقتىق تۇرعىدان رەتتەلە تۇسەدى.

جاڭا كونستيتۋتسيا – ەلدىكتىڭ تىرەگى, ەگەمەندىكتىڭ تۇعىرى

الەۋمەتتىك ساياساتتاعى تاعى ءبىر ماڭىزدى باعىت – مۇگەدەكتىگى بار ازاماتتاردى قولداۋ تەتىكتەرىن كۇشەيتۋ. بۇل رەتتە ولاردى الەۋمەتتىك قورعاۋ جۇيەسىن جەتىلدىرۋ, وڭالتۋ شارالارىن كەڭەيتۋ, قوعامدىق جانە ەڭبەك ومىرىنە تولىق ارالاستىرۋ ماسەلەسىنە ەرەكشە نازار اۋدارىلىپ وتىر.

ايدا بالاەۆانىڭ ايتۋىنشا, جاڭا كونستيتۋتسيالىق ۇستانىم الەۋمەتتىك ساياساتتىڭ مازمۇنىن كەڭەيتەدى. ەندىگى جەردە ازاماتتىڭ ءال-اۋقاتىن ارتتىرۋ تەك الەۋمەتتىك تولەمدەرمەن شەكتەلمەي, ادامي كاپيتالدى دامىتۋ, ءبىلىم بەرۋ ساپاسىن كوتەرۋ, عىلىم مەن يننوۆاتسيانى ىلگەرىلەتۋ ارقىلى جۇزەگە اسپاق.

ساراپشى: جاڭا كونستيتۋتسيانى قولداۋ – قوعامنىڭ جاڭعىرۋعا دايىن ەكەنىن كورسەتەدى

«بۇعان دەيىن نەگىزگى نازار كوبىنە الەۋمەتتىك كەپىلدىكتەر جۇيەسىنە اۋدارىلىپ كەلسە, جاڭا كونستيتۋتسيا الدەقايدا كەڭ ءتاسىلدى بەكىتەدى. اتاپ ايتقاندا, ازاماتتاردىڭ ءال-اۋقاتىنىڭ ءوسۋىنىڭ نەگىزگى فاكتورلارى رەتىندە ادامي كاپيتالدى دامىتۋعا, ءبىلىم بەرۋگە, عىلىم مەن يننوۆاتسيالارعا باسىمدىق بەرىلەدى. سونىمەن بىرگە ءبىز الەۋمەتتىك ساياساتتى جاڭا ستراتەگيالىق مازمۇنمەن تولىقتىرۋ ءۇشىن جۇمىسپەن قامتۋدى دامىتۋعا, ساپالى جۇمىس ورىندارىن اشۋعا, ازاماتتاردىڭ كاسىبي ءبىلىم الۋ مەن بىلىكتىلىگىن ارتتىرۋ مۇمكىندىكتەرىن ارتتىرۋعا نازار اۋدارامىز», دەدى ۆيتسە-پرەمەر.

وسىلايشا, جاڭا وزگەرىستەر الەۋمەتتىك ساياساتتى تەك قولداۋ قۇرالى ەمەس, ەلدىڭ ۇزاق مەرزىمدى دامۋىنا قىزمەت ەتەتىن ستراتەگيالىق تەتىك دەڭگەيىنە كوتەرۋدى كوزدەيدى. بۇل ۇستانىم ازاماتتىڭ ەڭبەككە ارالاسۋىنا, ءبىلىمىن جەتىلدىرۋىنە جانە قوعام ومىرىنە بەلسەندى قاتىسۋىنا جول اشپاق.

پرەزيدەنت جاڭا كونستيتۋتسيانى ىسكە اسىرۋ جونىندە جۇمىس كەڭەسىن وتكىزدى