كونستيتۋتسيالىق رەفورمانى قوعامدىق قابىلداۋدا ازاماتتار كۇندەلىكتى ومىرىنە, الەۋمەتتىك قورعالۋىنا جانە مەملەكەتتىك باسقارۋ ساپاسىنا تىكەلەي اسەر ەتەتىن نورمالارعا كوبىرەك نازار اۋدارادى, دەپ جازادى Egemen.kz.
بۇل تۋرالى پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ (قسزي) وڭىرلەرمەن جۇمىس ءبولىمىنىڭ ءباسشىسى امينا ۇرپەكوۆا «قازاقستاننىڭ جاڭا كونستيتۋتسيالىق مودەلى: ورنىقتى ءارى زاماناۋي مەملەكەت جولىندا» اتتى حالىقارالىق ساراپشىلار دوڭگەلەك ۇستەلىندە مالىمدەدى.
ساراپشىنىڭ ايتۋىنشا, كونستيتۋتسيالىق رەفورمانى قوعامدىق قابىلداۋ ديناميكاسى 2026 جىلعى قاڭتاردان ناۋرىز ايىنىڭ باسىنا دەيىن جۇرگىزىلگەن بىرنەشە ۇلتتىق الەۋمەتتىك زەرتتەۋلەر ناتيجەلەرىنەن ايقىن كورىنەدى.
ەل ازاماتتارىنىڭ 87,1 پايىزى جاڭا كونستيتۋتسيانى قولدادى
ءا. ۇرپەكوۆا قوعامدىق تالقىلاۋدىڭ باستاپقى كەزەڭىندە ازاماتتاردىڭ نازارى ەڭ الدىمەن ينستيتۋتسيونالدىق جاڭالىقتارعا اۋدى, ويتكەنى ولار قوعامدىق كۇن تارتىبىندەگى ەڭ كوزگە كورىنەتىن وزگەرىستەر بولعانىن اتاپ ءوتتى. مۇنداي وزگەرىستەر قاتارىندا ءبىر پالاتالى پارلامەنتكە كوشۋ, ۆيتسە-پرەزيدەنت لاۋازىمىن ەنگىزۋ جانە حالىق قەڭەسىن قۇرۋ ءجيى اتالدى.
رەفەرەندۋم جاقىنداعان سايىن قوعامنىڭ نازارى بىرتىندەپ ازاماتتاردىڭ قۇقىقتارى مەن الەۋمەتتىك كەپىلدىكتەرىنە تىكەلەي قاتىستى كونستيتۋتسيا نورمالارىنا اۋىستى.
مەملەكەت باسشىسى جاڭا كونستيتۋتسياعا قول قويدى
تالقىلاۋدىڭ سوڭعى كەزەڭىندە قوعامدا مودەرنيزاتسيا باسىمدىقتارىن الەۋمەتتىك ماڭىزى بار ماسەلەلەرمەن ۇشتاستىراتىن نورمالارعا ەرەكشە قىزىعۋشىلىق ارتتى. ولارعا قورشاعان ورتانى قورعاۋ, ءبىلىم مەن عىلىمدى دامىتۋ, تسيفرلىق ورتادا جەكە دەرەكتەردى قورعاۋ جانە الەۋمەتتىك كەپىلدىكتەردى نىعايتۋعا قاتىستى نورمالار جاتادى.
«ازاماتتار كۇندەلىكتى ءومىر ءۇشىن پراكتيكالىق ماڭىزى بار دەپ قابىلداناتىن رەفورمانىڭ ەرەجەلەرىنە الدەقايدا كوبىرەك كوڭىل بولەدى», دەدى ءا.ۇرپەكوۆا.
ول سونداي-اق الەۋمەتتىك زەرتتەۋلەر كونستيتۋتسيا جوباسىنا قوعامدىق قولداۋدىڭ تۇراقتى جوعارى دەڭگەيىن كورسەتەتىنىن ايتتى. ءارتۇرلى ساۋالناما دەرەكتەرىنە سايكەس, رەفورمانى قولداۋ دەڭگەيى رەسپوندەنتتەر اراسىندا شامامەن 90% دەڭگەيىندە بولعان.
مەملەكەت باسشىسى: اتا زاڭ – باسەكەگە قابىلەتتى قازاقستاننىڭ جاڭا جارعىسى
ءادىسناماسى مەن ىرىكتەمە كولەمىندەگى ايىرماشىلىقتارعا قاراماستان, بارلىق زەرتتەۋلەر قوعامدىق كوڭىل-كۇيدىڭ ۇقساس ديناميكاسىن كورسەتەدى.
«سونىمەن قاتار قوعامدىق تالقىلاۋ مەن ءتۇسىندىرۋ جۇمىستارى رەفەرەندۋم قارساڭىندا كونستيتۋتسيا جوباسىنا تۇراقتى جوعارى قولداۋ دەڭگەيىنىڭ قالىپتاسۋىنا ىقپال ەتتى», دەدى ساراپشى.
ساۋالناما دەرەكتەرىنە سايكەس, رەسپوندەنتتەردىڭ باسىم بولىگى رەفورمالار ولاردىڭ ءومىرى مەن ءال-اۋقاتىنا وڭ اسەر ەتەتى دەپ كۇتەدى. ال رەفەرەندۋمعا قاتىسۋعا دايىندىق دەڭگەيى 71-75% شاماسىندا بولدى, بۇل ەلدىڭ بولاشاق كونستيتۋتسيالىق مودەلىن تالقىلاۋ توڭىرەگىندە قوعامدىق جۇمىلدىرۋدىڭ جوعارى دەڭگەيىن كورسەتەدى.