استانا قالاسىندا ج.ۇشكەمپىروۆ اتىنداعى جەكپە-جەك سارايىندا ءبىر مەزەتتە 18 مىڭ بالا قازاقتىڭ كونە ۇلتتىق ويىنىن وينادى. بۇل اۋقىمدى شارا تسيفرلاندىرۋ جىلى اياسىندا ۇلتتىق سپورت كۇنىنە وراي ۇيىمداستىرىلدى, دەپ حابارلايدى Egemen.kz.
مادەني-سپورتتىق باستامانىڭ نەگىزگى ماقساتى – ۇلتتىق قۇندىلىقتاردى دارىپتەۋ جانە جاس بۋىننىڭ ءداستۇرلى سپورت تۇرلەرىنە قىزىعۋشىلىعىن ارتتىرۋ بولدى.
جەكپە-جەك سارايىندا وتكەن شارا بارىسىندا 3000-عا جۋىق وقۋشى «التىن ساقا» اتتى اسەرلى فلەشموبقا قاتىستى. بالالار ارنايى قويىلىم ارقىلى اسىقتىڭ «الشى» ءتۇسۋ بەينەسىن جانە «التىن ساقا» جازۋىن قۇراپ, ەرەكشە كومپوزيتسيا جاسادى. مۋزىكا ىرعاعىمەن ورىندالعان بي قيمىلدارى فلەشموبتىڭ مازمۇنىن اشا ءتۇستى.
باعدارلامانىڭ جۇرگىزۋشىسى رەتىندە «ايدار» اتتى جاساندى ينتەللەكت قولدانىلدى. فلەشموب اياقتالعان سوڭ, ول ەلورداداعى بارلىق ءبىلىم بەرۋ ۇيىمدارىندا – بالاباقشالار مەن مەكتەپتەردە اسىق ويىنىن باستاۋ تۋرالى بەلگى بەردى.
ناۋرىزناما ونكۇندىگى اياسىندا 747 سپورتتىق ءىس-شارا وتەدى
وسى سيگنالدان كەيىن قالا بويىنشا ءبىر ۋاقىتتا 18 مىڭنان استام بالا اسىق ويناۋعا كىرىستى, بۇل شارانىڭ اۋقىمىن ايقىن كورسەتتى.
ۇيىمداستىرۋشىلاردىڭ ايتۋىنشا, مۇنداي باستامالار ۇلتتىق ويىنداردىڭ تاربيەلىك ءمانىن تۇسىندىرۋگە, سونداي-اق بالالاردىڭ ءداستۇرلى سپورتقا دەگەن قىزىعۋشىلىعىن ارتتىرۋعا ىقپال ەتەدى.
ەلىمىزدە جالپىحالىقتىق ناۋرىزناما ونكۇندىگى باستالدى