تاياۋ شىعىستاعى شيەلەنىستى جاعداي حالىقارالىق سپورت كۇنتىزبەسىنە دە اسەر ەتتى. بيىل ءساۋىر ايىندا ءوتۋى ءتيىس فورمۋلا-1 جارىستارىنىڭ باحرەين جانە ساۋد ارابياسىنداعى كەزەڭدەرى وتكىزىلمەيتىن بولدى, دەپ حابارلايدى Egemen.kz.
حالىقارالىق اۆتوموبيل فەدەراتسياسى (FIA) مەن جارىس ۇيىمداستىرۋشىلارىنىڭ مالىمەتىنشە, بۇل شەشىم ايماقتاعى اسكەري ارەكەتتەرگە بايلانىستى قابىلدانعان. قاۋىپسىزدىك ماسەلەسى باستى ورىنعا قويىلىپ, ەكى گران-پري كۇنتىزبەدەن الىنىپ تاستالدى.
تاياۋ شىعىس ايماعىنان 10 000-نان استام وتانداسىمىز قايتارىلدى
وسىلايشا, جارىس ماۋسىمىندا كۇتپەگەن ءۇزىلىس پايدا بولدى. 29 ناۋرىزدا وتەتىن جاپونيا گران-پريىنەن كەيىن كەلەسى جارىس تەك 3 مامىردا ماياميدە جالعاسادى. ۇيىمداستىرۋشىلار بۇل ارالىققا باسقا كەزەڭدەردى اۋىستىرۋ جوسپارلانباعانىن مالىمەدەدى.
يران دۋبايداعى حالىقارالىق قارجى ورتالىعىنا سوققى جاسادى
سونىمەن قاتار نەگىزگى جارىستارمەن قاتار وتەتىن قوسىمشا سەريالار دا توقتاتىلدى. اتاپ ايتقاندا, فورمۋلا-2, فورمۋلا-3 جانە F1 Academy كەزەڭدەرى دە وسى شەشىمگە سايكەس وتكىزىلمەيدى.
قاسىم-جومارت توقاەۆ ساۋد ارابياسىنىڭ تاق مۇراگەرىمەن تەلەفون ارقىلى سويلەستى
ساراپشىلاردىڭ پىكىرىنشە, بۇل جاعداي سپورتتىڭ ساياساتتان تولىق وقشاۋ بولا المايتىنىن تاعى ءبىر مارتە كورسەتتى. قاۋىپسىزدىك پەن تۇراقتىلىق – كەز كەلگەن حالىقارالىق جارىستىڭ باستى شارتى.