ەلوردادا كۇن سايىن ەلەۋلى مادەني ءىس-شارالار, ماڭىزدى وقيعالار وتەدى. سونىڭ ءبىرى – «استانا وپەرا» شىعارماشىلىق ۇجىمى سەنبى كۇنى استانالىقتار مەن قالا قوناقتارىن تەاتردىڭ ساحنا شەبەرلەرى ونەر كورسەتەتىن جاڭا ورىنعا جينادى.
ەلوردادا كۇن سايىن ەلەۋلى مادەني ءىس-شارالار, ماڭىزدى وقيعالار وتەدى. سونىڭ ءبىرى – «استانا وپەرا» شىعارماشىلىق ۇجىمى سەنبى كۇنى استانالىقتار مەن قالا قوناقتارىن تەاتردىڭ ساحنا شەبەرلەرى ونەر كورسەتەتىن جاڭا ورىنعا جينادى.
وپەرا جانە بالەت – ونەردىڭ شىڭى دەسەك, بالەت – ونەردەگى كۇردەلى جانر دەۋگە بولادى. مازمۇنى مۋزىكالىق-حورەوگرافيالىق وبرازدار ارقىلى اشىلاتىن سپەكتاكلدەر – كورەرمەننىڭ كوزايىمىنا اينالعان شەدەۆر دۇنيەلەر, ايرىقشا ونەر تۋىندىلارى. سونداي كەرەمەت كلاسسيكالىق كەش 14 ناۋرىزدا – «بەيبىتشىلىك جانە كەلىسىم سارايىنىڭ» ساحناسى م.فوكيننىڭ «شوپەنيانا» جانە ر.رەبەكتىڭ «قازىرگى ءسات قانشا ۋاقىتقا سوزىلادى؟» بالەتتەرىمەن رەسمي تۇردە اشىلدى. ديريجەرى – رۋسلان بايمۋرزين.
«ششەلكۋنچيك» بالەتى 40 مىڭ كورەرمەن جينادى
«استانا وپەرا» ساحناسىنان وزگە تاعى ءبىر ونەر كورسەتەتىن ورىننىڭ ىسكە قوسىلۋى مادەنيەت جانە اقپارات مينيسترلىگى مەن استانا قالاسى اكىمدىگىنىڭ جانە تەاتردىڭ «بەيبىتشىلىك جانە كەلىسىم سارايىمەن» سەرىكتەستىك قارىم-قاتىناسى ناتيجەسىندە ىسكە استى. بۇل جونىندە قويىلىم الدىندا وتكىزىلگەن ءباسپاسوز شاراسى كەزىندە ءمالىم بولدى.
«بۇل ارقىلى ءبىزدىڭ شىعارماشىلىق ۇجىم كلاسسيكالىق مۋزىكانى سۇيەتىن تالعامپاز كورەرمەنگە بۇرىنعىدان دا جاقىنداي تۇسەدى, الەمدىك مۋزىكا ونەرىنىڭ, ونىڭ ىشىندە ۇلتتىق كلاسسيكالىق بيىك ونەردى كەڭىرەك ناسيحاتتاۋعا مۇمكىندىك بەرەدى», دەيدى «استانا وپەرا» تەاترىنىڭ ديرەكتورى الەكساندر سوۆوستيانوۆ.
«بەيبىتشىلىك جانە كەلىسىم سارايى» ەلوردا تۇرعىندارى مەن قوناقتارىنىڭ تالعامىنا ساي كەلەتىن قويىلىمداردى ۇسىنۋعا مۇددەلى. تاڭعاجايىپ ونەر ورداسى – «استانا وپەرا» تەاترىمەن ىنتىماقتاستىعىمىز ەلورداداعى كلاسسيكالىق ونەردى دامىتۋعا ەلەۋلى ۇلەس قوسارىنا سەنىمدىمىز», دەدى «بەيبىتشىلىك جانە كەلىسىم سارايىنىڭ» ديرەكتورى ناريما مۇحامبەتالينا.
سەنبى كۇنى ساراي ساحناسىندا م.فوكيننىڭ «شوپەنيانا» جانە ر.رەبەكتىڭ «قازىرگى ءسات قانشا ۋاقىتقا سوزىلادى؟» ءبىر اكتىلى بالەتتەرى شىمىلدىعىن ءتۇردى, كورەرمەننىڭ جۇرەگىن جاۋلاپ, ادەتتەگىدەي انشلاگپەن وتكىزىلدى. ەۋروپانى باعىندىرىپ, تاڭدايىن قاققىزعان «شوپەنيانا» − فريدەريك شوپەننىڭ مۋزىكاسىنا جازىلعان بالەت سيۋيتاسى. قويىلىم استانادا زور قولداۋ تاۋىپ, زال تولى كورەرمەننىڭ ىستىق ىقىلاسىنا بولەندى.
«بالەت ونەرى – جالپى كورەرمەنگە جاقىن ونەردىڭ ءبىرى. ونىڭ ۇستىنە وسىنداي عاجايىپ ساراي ساحناسىندا قويىلۋى – كلاسسيكالىق شىعارمالاردى جاقسى كورەتىن جانداردىڭ قالاۋىن ورىنداپ, حالىققا نەعۇرلىم جاقىنداي تۇسۋگە مۇمكىندىك بەرەدى دەپ ويلايمىن. رەپەرتۋارى جىل سايىن كەڭەيىپ, قويىلىم سانى مەن ساپاسى جوعارىلاعان سايىن «استانا وپەرا» ساحناسىندا قويىلعان سپەكتاكلدەر ەندى «بەيبىتشىلىك جانە كەلىسىم سارايىنىڭ» ساحناسىندا دا كورسەتىلىپ, كورەرمەن قاۋىمىن قۋانتاتىن بولادى. بۇل – ورىن مەن ۋاقىتتى ءتيىمدى پايدالانۋعا جول اشادى», دەيدى «استانا وپەرا» ديريجەرى رۋسلان بايمۋرزين.
كلاسسيكالىق حورەوگرافيانىڭ ءىنجۋ-مارجاندارىنىڭ ءبىرى سانالاتىن م.فوكيننىڭ اتى اڭىزعا اينالعان حورەوگرافياسىنا بالەت ترۋپپاسىنىڭ كوركەمدىك جەتەكشىسى التىناي اسىلمۇراتوۆا باسشىلىق ەتىپ, ونەر شەبەرلەرىمەن بىرگە كيەلى ساحناعا ۇسىنعانىن اتاپ ءوتۋ قاجەت.
«استانا وپەرا» تەاترى «اققۋ كولى» بالەتىن ۇسىنادى
قازاق ونەرى ساحناسىندا بەكزات ونەر, تالعامپاز ونەر – وپەرا مەن بالەتتىڭ ۇلتتىق جانە الەمدىك ەڭ شەدەۆر سانالعان ۇزدىك شىعارمالارىن ناسيحاتتاپ كەلە جاتقان «استانا وپەرا» ۇجىمى ەندى ءورىسىن كەڭەيتىپ, بەيبىتشىلىك جانە كەلىسىم سارايى» ساحناسىندا ەلوردا تۇرعىندارى مەن قوناقتارىنا كلاسسيكالىق تاماشا دۇنيەلەردى قويا الادى. بۇل – تەاتردىڭ تالايدىڭ تاڭدايىن قاققىزعان رەپەرتۋارى مەن مۇمكىندىكتەرىن ايتارلىقتاي كەڭەيتەدى. مۇندا قىزىقتى ءتۇرلى ءىس-شارالار, ارقيلى فورماتتاعى باعدارلامالار سانى ارتىپ, كورەرمەن اۋديتورياسى كوبەيە تۇسەدى. بولاشاقتا دا مۇندا وپەرا جانە بالەت قويىلىمدارى, گالا-كونتسەرتتەر وتەدى, سونداي-اق تالعامى بيىك ونەرگە جاڭا كورەرمەندەردى باۋلۋعا باعىتتالعان ارنايى جوبالار مەن كلاسسيكالىق ونەر تاقىرىبىنداعى ءبىلىم بەرۋ, اعارتۋشىلىق, تانىمدىق دارىستەر ۇيىمداستىرىلادى.
گۇلشات ساپارقىزى