17 ناۋرىزدا قازاقستاننىڭ باسىم بولىگىندە اۋا رايى سالىستىرمالى تۇردە قولايلى بولادى. سينوپتيكتەردىڭ بولجامىنشا, ەل اۋماعىنىڭ كوپ بولىگىندە جاۋىن-شاشىن كۇتىلمەيدى, الايدا جەكەلەگەن وڭىرلەردە تۇمان ءتۇسىپ, كوكتايعاق بولۋى ىقتيمال, دەپ جازادى Egemen.kz.
جالپى رەسپۋبليكا بويىنشا كۇن قۇبىلمالى بۇلتتى بولادى. سولتۇستىك ايماقتار مەن وڭتۇستىكتىڭ تاۋلى وڭىرلەرىندە اتموسفەرالىق فرونتتاردىڭ اسەرىنەن ءالسىز جاۋىن-شاشىن (جاڭبىر, قار) بايقالۋى مۇمكىن. سونىمەن قاتار, جەلدىڭ جىلدامدىعى 15-20 م/س-قا دەيىن كۇشەيىپ, كەي جەرلەردە ەكپىنى 23-28 م/س-قا دەيىن جەتەدى. مۇنداي جاعدايدا جولداعى قاۋىپسىزدىككە ەرەكشە نازار اۋدارۋ قاجەت.
سولتۇستىك وڭىرلەردە تۇنگى اياز ساقتالادى. قوستاناي وبلىسىندا تۇندە اۋا تەمپەراتۋراسى -4…-9°س, شىعىسىندا -12°س-قا دەيىن تومەندەيدى, كۇندىز 0…+5°س شاماسىندا بولادى. سولتۇستىك قازاقستان وبلىسىندا تۇندە 0…-5°س, كەي جەرلەردە -8°س, كۇندىز 0…+5°س بولادى. اقمولا وبلىسىندا تۇنگى سۋىق -7…-12°س-قا جەتسە, كۇندىز +1…+6°س-قا دەيىن جىلىنادى. پاۆلودار وڭىرىندە تۇندە -5…-10°س, شىعىسىندا -13°س, ال كۇندىز -3…+2°س بولادى.
ورتالىق پەن شىعىستا تۇمان بولادى دەپ بولجانعان. شىعىس قازاقستان وبلىسىندا تۇندە -10…-15°س, كەي جەرلەردە -18°س, كۇندىز -5…+1°س بولادى. اباي وبلىسىندا تۇندە -5…-10°س, كۇندىز -1…+4°س, وڭتۇستىگىندە +9°س-قا دەيىن كوتەرىلەدى. قاراعاندى وبلىسىندا تۇندە -6…-11°س, كەي جەرلەردە -15°س, كۇندىز -1…+4°س, ال وڭتۇستىگىندە +7°س بولادى. ۇلىتاۋ وبلىسىندا تۇندە 0…-5°س, كۇندىز +5…+10°س-قا جەتەدى.
قاي وڭىرلەردە جول جابىق تۇر؟
وڭتۇستىكتە كوكتەمنىڭ لەبى انىق سەزىلەدى. الماتى وبلىسىندا كۇندىز +7…+12°س, جەتىسۋ وڭىرىندە +8…+13°س بولادى. جامبىل وبلىسىندا +7…+12°س بولسا, تۇركىستان وبلىسىندا اۋا تەمپەراتۋراسى +13…+18°س-قا دەيىن جەتەدى. قىزىلوردا وبلىسىندا كۇندىز +11…+16°س بولادى دەپ بولجانعان. جالپى, وسى وڭىرلەردە اۋا تەمپەراتۋراسى +15…+20°س-قا دەيىن كوتەرىلۋى مۇمكىن.
باتىس قازاقستاندا جەل كۇشەيىپ, شاڭدى داۋىل بولۋى ىقتيمال. باتىس قازاقستان وبلىسىندا كوكتايعاق پەن ءالسىز جاۋىن-شاشىن بايقالادى, كۇندىز +3…+8°س بولادى. اتىراۋ وبلىسىندا تۇندە جاڭبىر جاۋىپ, كۇندىز كەي جەرلەردە شاڭدى داۋىل كوتەرىلۋى مۇمكىن, تەمپەراتۋرا +10…+15°س-قا دەيىن بارادى. ماڭعىستاۋ وبلىسىندا كۇندىز +13…+18°س بولادى. اقتوبە وبلىسىندا اۋا رايى جاۋىن-شاشىنسىز, بىراق تۇمان تۇسەدى, كۇندىز +2…+7°س, وڭتۇستىگىندە +11°س بولادى.
سينوپتيكتەردىڭ ايتۋىنشا, كوكتەم مەزگىلىندە اۋا رايى قۇبىلمالى كەلەدى. كۇندىزگى جىلىمىققا قاراماستان, تۇنگى سۋىق پەن تۇمان جول قوزعالىسىنا اسەر ەتۋى مۇمكىن. وسىعان بايلانىستى جۇرگىزۋشىلەرگە جىلدامدىقتى تومەندەتىپ, تۇمان كەزىندە جارىق شامدارىن قوسىپ, كوكتايعاق ۋچاسكەلەردە اسا مۇقيات بولۋ ۇسىنىلادى.
جالپى العاندا, 17 ناۋرىزدا قازاقستاننىڭ كوپ بولىگىندە جايلى كوكتەمگى اۋا رايى قالىپتاسادى. ال وڭتۇستىك وڭىرلەردەگى جىلىنۋ كوكتەمنىڭ تولىق كۇشىنە ەنگەنىن اڭعارتادى.
ەسكە سالايىق, 16 ناۋرىزدا دا اۋا رايى قۇبىلمالى بولعان ەدى.