قازاقستاننىڭ جاڭا كونستيتۋتسياسىن قابىلداۋ بويىنشا رەسپۋبليكالىق رەفەرەندۋمعا تۇركى مەملەكەتتەرى ۇيىمىنىڭ وكىلدەرى بايقاۋشى رەتىندە قاتىستى. ۇيىمنىڭ باس حاتشىسىنىڭ ورىنباسارى ومەر كودجامان «رەفەرەندۋم – 2026» ونلاين مارافونى اياسىندا وكق الاڭىندا وتكەن بريفينگتە ءسوز سويلەپ, داۋىس بەرۋ پروتسەسىنىڭ قالاي ءوتىپ جاتقانى جايلى پىكىرىن ءبىلدىردى, دەپ حابارلايدى Egemen.kz.
ء«بىز استانا قالاسىندا رەفەرەندۋم بارىسىن باقىلادىق. جالپى, رەفەرەندۋم بارىسىن قاداعالاۋ كەزىندە شارانىڭ حالىقارالىق ستاندارتتارعا ساي جانە وتە جوعارى دەڭگەيدە ءوتىپ جاتقانىنا كۋا بولدىق.
قازاقستان – قۋاتتى تۇركىتىلدەس مەملەكەتتەرىنىڭ ءبىرى. قۇرىلىمى دا سەرپىندى. سونداي-اق ايماقتا ۇلكەن كۇشكە يە. ەگەر جاڭا كونستيتۋتسيا قابىلدانسا, ەلدىڭ دامۋ مۇمكىندىكتەرى ودان ءارى كەڭەيەدى», دەدى سپيكەر.
تۇركپا بايقاۋشىلارى: قازاقستان حالقى بەلسەندى داۋىس بەرىپ جاتىر
ول رەفەرەندۋمدى باقىلاۋ بارىسىندا حالىقتىڭ داۋىس بەرۋگە ەرەكشە ىقىلاسپەن قاتىسىپ جاتقان بايقاعانىن ايتتى.
«بۇل – قازاقستان ءۇشىن وتە ماڭىزدى قۇجات. ەلدىڭ مەملەكەتتىك باسقارۋ جۇيەسىندە ۇلكەن وزگەرىستەر ورىن الۋدا. پارلامەنتتىڭ اتاۋى وزگەرىپ, ءداستۇرلى تۇردە «قۇرىلتاي» دەپ اتالۋدا. «ۆيتسە-پرەزيدەنت» دەگەن لاۋازىم ەنگىزىلەدى. داۋىس بەرۋ قازاقستاننىڭ زاڭناماسىنا, حالىقارالىق ستاندارتتارعا تولىقتاي ساي ءوتىپ جاتقانىن بايقادىق», – دەدى و. كوددجامان.قىرعىزستان وسك توراعاسى: رەفەرەندۋمنىڭ تاريحي ماڭىزى زور