الماتى وبلىسى ىلە اۋدانىنداعى №42 سايلاۋ ۋچاسكەسىنە ايگىلى «اڭدار شاھارى» ءمۋلتفيلمىنىڭ كەيىپكەرلەرى – باتىل قويان-پوليتسەي دجۋدي حوپس پەن تاپقىر تۇلكى نيك ۋايلدتىڭ كوستيۋمدەرىن كيگەن ەكى تۇرعىن كەلىپ, تاڭداۋ جاسادى. مۋلتفيلم كەيىپكەرلەرى رەفەرەندۋم ۋچاسكەسىندەگى كوپتىڭ كوڭىلىن كوتەرىپ كەتتى, دەپ جازادى Egemen.kz.
انيماتسيالىق ءفيلمنىڭ كەيىپكەرلەرى بولىپ كيىنگەن ازاماتتار ۋچاسكەگە كىرگەن ساتتەن باستاپ, اينالاداعى ادامداردىڭ جۇزىنە كۇلكى ءۇيىرىلدى. ولار داۋىس بەرۋ راسىمىنە قاتىسىپ, وزدەرىنىڭ ازاماتتىق ۇستانىمىن ءبىلدىرىپ قانا قويماي مەرەكەلىك كوڭىل كۇيدىڭ ەرەكشە اتموسفەراسىن قالىپتاستىردى.
حاندار مەن بيلەردىڭ تاڭداۋى: جەتىسايداعى رەفەرەندۋمنىڭ ەرەكشە قوناقتارى
بۇل كورىنىسكە, اسىرەسە بالالار مەن جاستار ەرەكشە قىزىعىپ, سۇيىكتى مۋلتفيلم كەيىپكەرلەرىمەن ەستەلىك سۋرەتكە تۇسۋگە اسىقتى. وسىنداي ەرەكشە شارانىڭ ارقاسىندا داۋىس بەرۋ پروتسەسى قىزىقتى ءارى كوڭىلدى ءوتىپ, تۇرعىندار اراسىندا جاعىمدى اسەر قالدىردى.
وسكەمەن تۇرعىنى پاراپلانمەن كەلىپ داۋىس بەردى
كرەاتيۆتى باستامانىڭ اۆتورلارى وزدەرىنىڭ مۇنداي ەرەكشە قادامىمەن ازاماتتىق جاۋاپكەرشىلىك پەن قوعامدىق بەلسەندىلىكتى ارتتىرىپ, ماڭىزدى ساياسي ناۋقانعا حالىقتىڭ قىزىعۋشىلىعىن وياتۋدى كوزدەگەنىن جەتكىزدى.