وسكەمەننىڭ تۇرعىنى, اسكەري ارداگەر ۇشقىش نيكولاي پەتينتسەۆ رەفەرەندۋم ۋچاسكەسىنە پاراپلانمەن ۇشىپ كەلىپ, داۋىس بەردى, دەپ جازادى Egemen.kz.
«كوك اسپاندا قانداي جاۋاپكەرشىلىكتى سەزىنسەڭ, ەل ەرتەڭى ءۇشىن دە سولاي جاۋاپتىسىڭ», دەيدى زەينەتتەگى اسكەري پولكوۆنيك نيكولاي پەتينتسەۆ.
ول وزىنە تيەسىلى ۋچاسكەنىڭ ىرگەسىندەگى جازىققا پاراپلانمەن كەلىپ قوندى. بالا جاستان اسپاندى ارمانداعان ول زەينەتكە دەيىن اسكەري ۇشاق تىزگىنىنەن تۇسپەگەن. پاراپلانمەن عانا ەمەس, پاراشيۋتپەن سەكىرۋدىڭ دە اككى شەبەرى.
ء«ومىر بويى مەملەكەت ءۇشىن ەڭبەك ەتىپ كەلدىم. الپىس ۇشكە كەلسەم دە, ساياسي ناۋقانداردان قالمايمىن. ال, بۇگىنگى مەنىڭ عانا ەمەس, ءبۇتىن قازاقستاننىڭ بولاشاعى», دەيدى ن. پەتينتسەۆ.
نيكولايدىڭ اسپانعا دەگەن قىزىعۋشىلىعى بالا كەزىنەن باستالعان. ءتىپتى بەس جاسىندا-اق بولاشاقتا ۇشقىش بولاتىنىنا سەنىمدى بولعان.
ەسىك قالاسىنداعى رەفەرەندۋم ۋچاسكەسىنە «التىن ادام» كەلدى
كاتونقاراعاي اۋدانى, بەلقاراعاي اۋىلىندا تۋعان ول 16 جاسىندا پاراشيۋت سپورتىمەن اينالىسا باستادى. 1978 جىلى اۆياتسيالىق-سپورت كلۋبىنىڭ بازاسىندا العاش رەت پاراشيۋتتەن سەكىرگەن. كەيىن بارناۋلداعى اسكەري ۇشقىشتار ۋچيليششەسىنە ءتۇسىپ, كاسىبي ۇشقىش اتانادى. وقۋىن اياقتاعان سوڭ «سۋ-24» ۇشاعىمەن اۋعانستاندا جاۋىنگەرلىك تاپسىرمالار ورىنداعان.
الماتىدا «بۇركىت» رەفەرەندۋمدا ءوز تاڭداۋىن جاسادى
بەرتىن كەلە, ول پاراپلانمەن ۇشۋعا قىزىعىپ, جاڭا باعىتقا بەت بۇرادى. سوڭعى ون جىلدا ول جەردەن گورى اسپاندا كوبىرەك ۋاقىت وتكىزەتىنىن ايتادى. بۇگىنگى ناۋقانعا دا ەلدەن ەرەكشەلەنىپ كەلىپ داۋىس بەردى.
شىعىس قازاقستان وبلىسى