ورال قالاسىنداعى ۇلتتىق ۇلاننىڭ 5517 اسكەري ءبولىمى جاۋىنگەرلەرى تاڭعى ساعات 06:00-دە اشىلعان №479 داۋىس بەرۋ ۋچاسكەسىندە تاڭداۋ جاسادى دەپ حابارلايدى Egemen.kz.
وتان الدىنداعى بورىشىن اتقارىپ جۇرگەن ساربازدار ادەتتە ەلدەن بۇرىن, ەرتە تاڭداۋ جاسايدى. ونىڭ وزىندىك سەبەبى دە بار. ويتكەنى ۇلتتىق ۇلان اسكەري قىزمەتشىلەرىنىڭ نەگىزگى ءبىر مىندەتى – قوعامدىق ءتارتىپ پەن قاۋىپسىزدىكتى قامتاماسىز ەتۋ.
ءوڭىر تۇرعىندارى رەفەرەندۋمعا بەلسەنە قاتىسىپ جاتىر
وسىعان بايلانىستى اسكەري قىزمەتشىلەر ازاماتتىق بورىشىن ەرتە ورىنداپ, رەفەرەندۋمدا العاشقىلاردىڭ ءبىرى بولىپ داۋىس بەردى. سول ارقىلى ەلدىڭ قوعامدىق-ساياسي ومىرىندەگى ماڭىزدى ناۋقانعا ۇلەس قوسىپ, بەلسەندىلىك تانىتتى.
ەسىك قالاسىنداعى رەفەرەندۋم ۋچاسكەسىنە «التىن ادام» كەلدى
داۋىس بەرۋ ءراسىمى اياقتالعاننان كەيىن اسكەري قىزمەتشىلەر جاۋىنگەرلىك قىزمەتكە كىرىسىپ, قالا كوشەلەرى مەن داۋىس بەرۋ ۋچاسكەلەرى ورنالاسقان ايماقتاردا قوعامدىق ءتارتىپتى قامتاماسىز ەتۋگە اتتاندى. ۇلتتىق ۇلان جاۋىنگەرلەرى بۇگىن كۇشەيتىلگەن رەجيمدە قىزمەت اتقارىپ جاتىر.
باتىس قازاقستان وبلىسى